მაკა სოლოღაშვილი - კლინიკაში 2 ახალი პაციენტი ცნობილი კლასტერებიდანაა - იზოლაციამ დიდი საქმე გააკეთა არამხოლოდ კოვიდ 19-ის, არამედ სხვა ინფექციური დაავადებების კუთხითაც

ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარის მაკა სოლოღაშვილის განცხადებით, კლინიკაში კოვიდ-19-ის დადასტურებული დიაგნოზით 2 პაციენტი გადაიყვანეს. როგორც მან ჟურნალისტებს განუცხადა, კლინიკას დღეს სამი გამოჯნამრთელებული პაციენტი დატოვებს.მაკა სოლოღაშვილის თქმით, 2 პაციენტი კვლავ რეანიმაციულ განყოფილებაში რჩება და მათი მდგომარეობა სტაბილურად მძიმეა.

"ბოქსირებულ სექტორში არის 53 პაციენტი. Covid-19-ის დიაგნოზის მქონე არის - 42. კლინიკაში 18 წლამდე მოზარდი არის 10. ორი პაციენტი რეანიმაციულ განყოფილებაშია, მათი მდგომარეობა სტაბილურად მძიმეა. ეს პაციენტები არ არიან აპარატდამოკიდებულები. სამი პაციენტი გამოჯანმრთელდა. ჩვენს კლინიკაში დადასტურებული დიაგნოზით 2 პაციენტი გადმოიყვანეს. ერთი ძველი შემთხვევაა და ერთი ბოლნისის კლასტერიდან. მათი მდგომარეობა საშუალო სიმძიმისაა. დანარჩენი პაციენტებიდან 4 რჩება საყურადღებო. დღეს ორი საეჭვო სიმპტომების მქონე ბავშვი ერთვება კვლევაში, რომელიც ბოლნისის კლასტერიდან არის. ამის გარდა კიდევ 5 მოზრდილი ჩაერთვება კვლევაში, ცხელებაა მათ შემთხვევაში", - განაცხადა მაკა სოლოღაშვილმა.

კითხვაზე, როგორია დაავადების დინამიკა, მაკა სოლოღაშვილმა განმარტა, რომ არსებული სიტუაციიდან გამომდინარე, მატება ძირითადად ჩაკეტილი კლასტერებიდანაა, თუმცა, მოქალაქეებს სიფრთხილის გამოჩენა მაინც მართებთ.

"გვაქვს ძირითადად ჩაკეტილი კლასტერები, უკვე ცნობილი კლასტერებიდანაა ახალი ფაქტები, ფაქტია, რომ უცხო ახალი კლასტერი არ გამოჩენილა და დიდი იმედი გვაქვს არც გამოჩნდება. ჩვენ მაქსიმალურად სიფრთხილე უნდა გააგრძელოთ და ყველა იმ მოწოდების დაცვა, რასაც დაავადებათა კონტროლის ცენტრი გასცემს. ამასთან, იზოლაცია სეზონურ გრიპებზეც აისახა და სხვა ინფექციურ დაავადებებზეც. იზოლაციამ დიდი საქმე გააკეთა არამხოლოდ კოვიდ-19-ის, არამედ სხვა ინფექციური დაავადებების კუთხითაც," - განაცხადა მაკა სოლოღაშვილმა.

იხილეთ ვიდეო: ფაქტია, რომ უცხო ახალი კლასტერი არ გამოჩენილა და იმედი გვაქვს, არც გამოჩნდება - ბოჭორიშვილის კლინიკა

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის