მარინა ეზუგბაია - ახალი კოვიდინფიცირებული პაციენტი არ მიგვიღია - კვლავ ორი მძიმე პაციენტი გვყავს, რომელთა მდგომარეობა არ გაუარესებულა

თბილისის ინფექციური საავადმყოფოს კლინიკური დირექტორის, მარინა ეზუგბაიას განცხადებით, 24 საათში კორონავირუსით ინფიცირების 1 ახალი შემთხვევა, ხოლო გამოჯანმრთელების 24 შემთხვევა გამოვლინდა.

როგორც ეზუგბაიამ ჟურნალისტებს განუცხადა, ახალი შემთხვევა ბოლნისის კლასტერს უკავშირდება.

„დღეს მხოლოდ 1 დადასტურებული შემთხვევა დაემატა და ინფიცირების 702 შემთხვევა გვყავს, გამოჯანმრთელებულების რაოდენობა გაიზარდა 24-ით და 456-ს შეადგენს. ამ ეტაპზე კოვიდცენტრებში 234 პაციენტი მკურნალობს. უკვე სხვაობა კარგად გაიზარდა და გამოჯანმრთელებულები 210-ით აჭარბებს. ერთი ახალი შემთხვევა ბოლნისის დადასტურებულ შემთხვევასთან კონტაქტია. ჩვენთან 30 კოვიდდადასტურებული მკურნალობს, მდგომარეობა არ შეცლილა, კვლავ 2 მძიმე პაციენტი გვყავს, მძიმე პნევმონიით, რომელთა მდგომარეობა არ გაუარესებულა ამ დღეების განმავლობაში, სტაბილურია და უმნიშვნელო გაუმჯობესება შეინიშნება. ახალი პაციენტი არ მიგვიღია, გამოჯანმრთელებული 24-დან 1 ჩვენია და სხვა სიტუაცია უცვლელია”, - განაცხადა ეზუგბაიამ.

ამასთან, მარინა ეზუგბაიამ კიდევ ერთხელ მოუწოდა მოსახლეობას, შეზღუდვების მოხსნის მიუხედავად, თვითშეზღუდვები დაიტოვონ და მხოლოდ აუცილებელი საჭიროების შემთხვევაში გავიდნენ გარეთ.

იხილეთ ვიდეო: გამოჯანმრთელებულები ინფიცირებულებს უკვე 210-ით აჭარბებს - ინფექციური საავადმყოფო

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო