ლიბიის გაეროს მიერ აღიარებულმა მთავრობამ ტუნისის საზღვართან მდებარე ორ ქალაქზე კონტროლი დაიბრუნა. მათ მიერ გავრცელებული ინფორმაციის თანახმად, სამთავრობო ძალებმა ბადერი და ტიჯის ქალაქები ხელახლა აიღეს.

ცნობისთვის, ორშაბათს სამთავრობო ძალებმა სტრატეგიული ალ-ვატიას საჰაერო ბაზაზე კონტროლი დაამყარეს. აღნიშნული ბაზა ამბოხებული გენერლის ხალიფა ჰაფტარის მმართველობის ქვეშ 2014 წლიდან იმყოფებოდა. მათი თქმით, ეს ბოლო წლების ყველაზე დიდი წარმატებაა.

ცნობისთვის, ლიბიაში კონფლიქტი 2011 წლისდან მიმდინარეობს, მას შემდეგ რაც დიქტატორი მუამარ კადაფი ჩამოაგდეს. 2014 წელს კონფლიქტი სამოქალაქო ომში გადაიზარდა. დედაქალაქ ტრიპოლში მყოფ ეროვნული თანხმობის მთავრობას ფაიზ ალ-სარაჯის მეთაურობით გაერო აღიარებს და მას დასავლეთის ქვეყნები და თურქეთი ემხრობიან. ქვეყნის აღმოსავლეთ ნაწილს კი ლიბიის წარმომადგენელთა პალატა აკონტროლებს, რომელსაც მხარს უჭერს ლიბიის ეროვნული არმია გენერალ ხალიფა ჰაფტარის მეთაურობით. ჰაფტარის მმართველობას რუსეთი, არაბთა გაერთიანებული საამიროები და ეგვიპტე უჭერს მხარს.