კახა კალაძის განცხადებით, დედაქალაქის სატრანსპორტო გენერალური გეგმის ჩაბარების თარიღი აგვისტოს ნაცვლად, წლის ბოლოსკენ გადაიწევს

დედაქალაქის მერის კახა კალაძის განცხადებით, დედაქალაქის სატრანსპორტო გენერალური გეგმა, შექმნილი ვითარებიდან გამომდინარე, აგვისტოს ნაცვლად, წლის ბოლოს იქნება ჩაბარებული. ამის შესახებ თბილისის მერმა მუნიციპალიტეტის მთავრობის სხდომაზე განაცხადა. კალაძის განცხადებით, წლის ბოლომდე მთლიანად იქნება ჩანაცვლებული ყვითელი ავტობუსები .

„ყველამ ძალიან კარგად ვიცით, თუ რამდენად მნიშვნელოვანია ჩვენთვის სატრანსპორტო პლიტიკა, რომელიც იქნა ჩვენი მხრიდან გაჟღერებული და საზოგადოებამ კარგად იცის ჩვენი მიდგომები იმასთან დაკავშირებით, რომ საზოგადოებრივი ტრანსპორტი უნდა იყოს ყველაზე მოწესრიგებული, ყველაზე სწრაფი და კომფორტული. ჩვენ ამ კუთხით უკვე გადავდაგით რამდენიმე ნაბიჯი, დავიწყეთ არსებული ავტობუსების პარკის განახლება, რომელიც მძიმე მდგომარეობაში იყო და პრობლემას წარმოადგენდა ქალაქისთვის ჰაერის დაბინძურების თვალსაზრისით. წლის ბოლომდე მთლიანად იქნება ჩანაცვლებული ყვითელი ავტობუსები და თბილისს ეყოლება განახლებული ახალი „ევრო 6“ ტიპის ეკოლოგიურდ სუფთა ავტობუსები. ამ რეფორმაში გვეხმარება აზიის განვითარების ბანკი, რომელიც მთელი ქალაქის მასშტაბით ამუშავებს სატრანსპორტო გენერალურ გეგმას. გარდა ამისა, ევროპის რეკონსტრუქციისა და განვითარების ბანკი გვეხმარება, რომ ავტობუსების ქსელები და მიმართულებები გვქონდეს შემუშავებული, რაც ძალიან მნიშვნელოვანია. რაც შეეხება აზიის განვითარების ბანკის პროექტს, ქალაქის სატრანსპორტო გენერალურ გეგმას, აგვსიტოსში უნდა ყოფილიყო ჩაბარებული, თუმცა არსებული რეალობიდან გამომდინარე, წლის ბოლომდე გადაიწევს ეს თარიღი“, - განაცხადა კალაძემ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა