აშშ-ის საზღვაო ძალები ირანს აფრთხილებს

აშშ-ის საზღვაო ძალები ირანს აფრთხილებს, რომ იმ შემთხვევაში, თუ ამერიკულ ხომალდებს ირანული გემები 100 მეტრის მანძილზე მიუახლოვდება აღნიშნული „შეფასდება როგორც საფრთხე და გამოიწვევს თავდაცვის ზომების მიღებას“.

სამხედრო მეზღვაურებისადმი გაგზავნილ განცხადებაში საუბარია, რომ აღნიშნული გადაწყვეტილება „ბოლოდროინდელ მოვლენებს უკავშირდება, რათა მოხდეს უსაფრთხოების გაძლიერება და გადაცდომების მინიმალიზაცია“.

ამასთან, განცხადებები გაკეთდა თეირანშიც. მათი თქმით, ირანული ხომალდები განაგრძობენ წვრთნებს სპარსეთის ყურეში.

ცნობისთვის, გასულ თვეს სპარსეთის ყურეში ამერიკულ და ირანულ სამხედრო გემებს შორის გარკვეული დაძაბულობა შეინიშნებოდა. შტატების 6 სამხედრო გემი საერთაშორისო წყლებში წვრთნებს გადიოდა, რა დროსაც მათ ირანის რევოლუციური გვარდიის ფლოტი აედევნა. ამერიკის საზღვაო ძალების ინფორმაციით, ირანული გემები მათი ხომალდების გარშემო დიდი სისწრაფით, ახლო მანძილზე გადაადგილდებოდნენ, რაც პროვოკაციულია და შეტაკების შესაძლებლობას აჩენს. მოგვიანებით, ამერიკის პრეზიდენტმა, დონალდ ტრამპმა, საფრთხის შემთხვევაში ირანული გემების განადგურების ბრძანება გასცა. ანალოგიური განაცხადეს ირანის რევოლუციურ გვარდიაშიც. მათი თქმით, საფრთხის შემთხვევაში ამერიკულ ხომალდებს გაანადგურებენ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან