რუსეთის პრემიერ-მინისტრის, მიხეილ მიშუსტინის თქმით, რუსეთში, კორონავირუსთან დაკავშირებული ვითარება სტაბილურდება.

„დღეს პირველი დღეა, როცა გამოჯანმრთელებული პაციენტების რაოდენობამ ინფიცირებულთა დღიურ მაჩვენებელს გადააჭარბა. ეს კარგი სიახლეა და შესაძლოა, ჩვენ პიკის გადალახვა დავიწყეთ“,- განაცხადა მიშუსტინმა.

მისივე თქმით, აღნიშნული მდგომარეობის გათვალისწინებით, დატვირთვა შემცირდება ჯანდაცვის სისტემაზეც.

ამ დროისთვის, რუსეთში კორონავირუსით ინფიცირებულთა რაოდენობა 300 000-ს აღემატება. ოფიციალური ინფორმაციით, ქვეყანაში ვირუსს 3000-მდე ადამიანი ემსხვერპლა.