პრეზიდენტმა ბელგიას, როგორც ევროკავშირის წევრ ქვეყანას, საქართველოს მხარდაჭერისათვის მადლობა გადაუხადა

საქართველოს პრეზიდენტი სალომე ზურაბიშვილი დღეს ტელეფონით ბელგიის მეფე ფილიპს ესაუბრა. პრეზიდენტის ადმინისტრაციის ინფორმაციით, მხარეებმა საუბრისას საქართველოსა და ბელგიაში ეკონომიკის გახსნის სტრატეგიებზე ისაუბრეს, რომელსაც ორივე ქვეყნის ხელისუფლებები ძალიან ეფექტიანად ახორციელებენ.

„როგორც ბელგიის მეფემ აღნიშნა, კორონავირუსის პანდემიასთან ბრძოლისას და ასევე შემდგომ, ეკონომიკის გახსნის ეტაპზე უდიდესი მნიშვნელობა ენიჭება საზოგადოების პასუხისმგებლობას და ამ თვალსაზრისით, საქართველოს და ბელგიის მოსახლეობამ პასუხისმგებლიანობის შესანიშნავი მაგალითი აჩვენა.

საქართველოს პრეზიდენტმა ტურიზმის სფეროს გახსნის საკითხზე, უსაფრთხო ტურიზმის დერეფნებსა და საქართველოში უსაფრთხო ტურისტულ ადგილებზე ისაუბრა და აღნიშნა, რომ საქართველოს ეკონომიკის კრიზისიდან გამოსაყვანად ტურიზმის სექტორის ამუშავებას დიდი მნიშვნელობა აქვს. საქართველოს პრეზიდენტმა მადლობა გადაუხადა ბელგიას, როგორც ევროკავშირის წევრ ქვეყანას ევროპული სოლიდარობისა და საქართველოს მხარდაჭერისათვის.

სალომე ზურაბიშვილმა ბელგიის მეფე საქართველოში ვიზიტად მოიწვია, თავის მხრივ კი, მეფე ფილიპმა საქართველოს პრეზიდენტი ბრიუსელში კულტურის საერთაშორისო ფესტივალის გახსნაზე „ევროპალია - 2022" მიიწვია, რომელიც საქართველოს ეძღვნება და სამეფო ოჯახის პატრონაჟით იმართება“, - ნათქვამია ინფორმაციაში.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ