დიმიტრი ხუნდაძე - პარლამენტისთვის საპარლამენტო კონტროლის უფლება არავის წაურთმევია

ჯანდაცვის და სოციალურ საკითხთა კომიტეტის თავმჯდომარის დიმიტრი ხუნდაძის განმარტებით, „საზოგადოებრივი ჯანმრთელობის დაცვის შესახებ" კანონში შესატანი ცვლილებების პროექტის განხორციელებით პარლამენტის როლის უგულებელყოფა არ ხდება. როგორც მან ჯანდაცვისა და სოციალურ საკითხთა კომიტეტის სხდომაზე განაცხადა, პარლამენტისთვის საპარლამენტო კონტროლის უფლება არავის წაურთმევია.

„პარლამენტის როლის უგულებელყოფა არ ხდება. პარლამენტში ვართ სწორედ ახლა და ამ საკითხს ვიხილავთ. საგანგებო მდგომარეობას პარლამენტმა დაუჭირა მხარი და ამ რეგულაციებსაც პარლამენტი იხილავს. ეს პარლამენტის დასტურის გარეშე არ მოხდება. სწორედ ამიტომ არის პარლამენტში საკომიტეტო განხილვა და მადლობა მინდა გითხრათ ჩართულობისთვის. რაც შეეხება საპარლამენტო კონტროლს, რა თქმა უნდა, პარლამენტისთვის საპარლამენტო კონტროლის უფლება არავის წაურთმევია“,-განაცხადა ხუნდაძემ.

მისი განმარტებით, უახლოეს მომავალში პარლამენტში პრემიერ-მინისტრი წარდგება ანგარიშით, რომელიც ყველა კითხვას პასუხს გასცემს.

„უახლოეს დღეებში გვესტუმრება პრემიერი ანგარიშით, სადაც ყველა კითხვაზე პასუხი იქნება წარმოდგენილი. მგონი, ამ სცენარებზე საუბრის დრო არ არის, თუმცა, მძიმე სცენარებიც არსებობს. ეპიდემიოლოგებთან ერთად სხვადასხვა სცენარი მუშავდებოდა“,-აღნიშნა ხუნდაძემ.

ცნობისთვის, ახალი კანონპროექტის მიხედვით, მთავრობას ქვეყანაში შემზღუდავი ღონისძიებების გატარება საგანგებო მდგომარეობის გამოცხადების გარეშეც შეეძლება. „საზოგადოებრივი ჯანმრთელობის დაცვის შესახებ“ კანონში დაგეგმილი ცვლილებების პროექტის თანახმად, საკარანტინო ღონისძიებები ახლებურად განისაზღვრება და გულისხმობს ისეთ ღონისძიებებსაც, რაც დაკავშირებულია გადაადგილების, ეკონომიკური საქმიანობის, საკუთრების, თავშეყრის, შრომის და სხვა უფლებების შეზღუდვასთან.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან