ჯუმბერ მილაძის გარდაცვალება კიდევ ერთი ტრაგიკული შედეგია ბორდერიზაციისა და გამშვები პუნქტების ჩაკეტვის, - ამის შესახებ საქართველოს პრეზიდენტი სალომე ზურაბიშვილი სოციალურ ქსელ „ტვიტერზე“ წერს.
„ჯუმბერ მილაძის გარდაცვალება კიდევ ერთი ტრაგიკული შედეგია ბორდერიზაციისა და გამშვები პუნქტების ჩაკეტვის. როცა მსოფლიო საერთო მტერს ებრძვის, ამგვარი გულისმომკვლელი ფაქტები სოლიდარობის მარცხია“, - წერს სალომე ზურაბიშვილი „ტვიტერზე“.
ცნობისთვის, ოკუპირებულ ახალგორში მცხოვრები 63 წლის მამაკაცი, რომლის ჯანმრთელობის მდგომარეობა მძიმე იყო, საქართველოს ცენტრალური ხელისუფლების კონტროლირებად ტერიტორიაზე გადმოყვანისას გზაში გარდაიცვალა.