პრემიერ-მინისტრმა ტურისტულ ინდუსტრიაში სავალდებულოდ  აღსასრულებელ ახალ რეგულაციებსა და ეკონომიკის გახსნის პროცესში რეკომენდაციების შესრულებაზე სამუშაო შეხვედრა გამართა

ტურისტულ ინდუსტრიაში სავალდებულოდ აღსასრულებელი ახალი რეგულაციები, ეკონომიკის გახსნის მიმდინარეობა, ამ პროცესში სხვადასხვა მიმართულებით დაწესებული რეკომენდაციები და მათი აღსრულების მონიტორინგი განიხილეს სამუშაო შეხვედრაზე, რომელიც პრემიერ-მინისტრ გიორგი გახარიას ხელმძღვანელობით დღეს მთავრობის ადმინისტრაციაში გაიმართა.

მთავრობის ადმინისტრაციის ინფორმაციით, შესაბამისი უწყებების წარმომადგენლებმა იმსჯელეს სასტუმრო სექტორის, კვების ობიექტებისთვის, ღია და დახურული ტიპის აუზებისთვის განსაზღვრულ სპეციფიკურ მოთხოვნებზე, რომლებიც მოიცავს როგორც დეზინფექციის სტანდარტებს, ასევე დისტანციის დაცვას, ტემპერატურულ სკრინინგს, ბარიერების განთავსებას თუ სხვა მნიშვნელოვან პრევენციულ ღონისძიებებს.

სტანდარტები, რომელიც ტურისტულ ინდუსტრიაში მოქმედმა ყველა სუბიექტმა, მათ შორის განთავსების ობიექტებმა, სარესტორნო ბიზნესმა, ტურისტულმა კომპანიებმა, ტურისტულმა ტრანსპორტმა თუ გიდებმა უნდა დააკმაყოფილონ, საჯარო უახლოეს მომავალში გახდება.

პრემიერ-მინისტრთან გამართულ სამუშაო შეხვედრაზე დეტალურად განიხილეს ქვეყანაში საერთაშორისო ვიზიტორების მიღების წესები და ის სავალდებულო დოკუმენტაცია, რაც ტურისტს აუცილებლად თან უნდა ჰქონდეს მოგზაურობისას. ასევე, ყურადღება გამახვილდა საერთაშორისო აეროპორტებისა და სტრატეგიულად მნიშვნელოვანი სახმელეთო პუნქტების აღჭურვის სტანდარტებზე.

მთავრობის მეთაურმა სავალდებულო რეგულაციების აღსრულების მექანიზმებთან დაკავშირებით კონკრეტული მითითებები გასცა.

აღინიშნა, რომ უმნიშვნელოვანესია უსაფრთხოების ნორმების ზედმიწევნით შესრულება, რაც ხელს შეუშლის ვირუსის გავრცელებას და ქვეყანას მისცემს საშუალებას, შეინარჩუნოს ის წარმატებული მაჩვენებლები, რაც დღეს აქვს ხელისუფლების, საზოგადოებრივი ჯანდაცვის სფეროს სპეციალისტებისა და მოსახლეობის ერთობლივი, კოორდინირებული ნაბიჯების შედეგად.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა