დეპუტატები ექიმებს, ექთნებს, ეპიდემიოლოგებს და ყველა იმ ადამიანს, ვინც კოვიდინფექციის შეკავებაში მონაწილეობა მიიღო, ტაშით შეხვდნენ

პარლამენტში ჯანდაცვის სფეროს წარმომადგენლებს - ექიმებს, ექთნებს, ეპიდემიოლოგებს და ყველა იმ ადამიანს, ვინც კოვიდინფექციის შეკავებაში მონაწილეობა მიიღო, მადლობის ნიშნად ტაში დაუკრეს. პარლამენტის თავმჯდომარემ არჩილ თალაკვაძემ კრიზისულ პროცესში გაწეული სამსახურისთვის მადლობა კანონმდებლებსაც გადაუხადა.

„მინდა მადლობა გადაგიხადოთ თითოეულს მონაწილეობისთვის არა მხოლოდ პოლიტიკურ, საპარლამენტო პროცესში, არამედ იმ რთულ პერიოდში, როდესაც ჩვენ ყველამ ერთად შევძელით კოვიდინფექციის შეკავება, შევძელით, რომ თავიდან აგვეცილებინა ეპიდემიური ტალღა ჩვენს ქვეყანაში, შევძელით ჩვენი თანამოქალაქეების ჯანმრთელობის, სიცოცხლისა და უსაფრთხოების დაცვა. მინდა პარლამენტის სახელით, თქვენი სახელით მადლობა გადავუხადო ჯანდაცვის პროფესიონალებს, ექიმებს, ექთნებს, ეპიდემიოლოგებსა და ყველა მოკავშირე სამსახურის წარმომადგენელს, ვინც ჩართული იყო კოვიდინფექციის მართვაში, ვინც ეფექტურად შეძლო ამ ინფექციის გავრცელების შეკავება. გთხოვთ სიმბოლურად მადლობა გადავუხადოთ ამ ადამიანებს!“ - განაცხადა არჩილ თალაკვაძემ.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით