იტალიამ ყველაზე ცუდი უკან მოიტოვა, - ამის შესახებ ქვეყნის პრემიერ-მინისტრმა, ჯუზეპე კონტემ განაცხადა. მისივე თქმით, ქვეყანა ახალ ფაზაში თავდაჯერებული და პასუხისმგებლობით სავსე უნდა შევიდეს.

„ჩვენ ვერ გავჩერდებით და ვერ დაველოდებით ვაქცინის აღმოჩენას, წინააღმდეგ შემთხვევაში ჩვენ მივიღებთ შეუქცევადად კომპრომისულ საზოგადოებასა და წარმოებას“, - აღნიშნა კონტემ.

ცნობისთვის, იტალია ევროპის პირველი ქვეყანა იყო, რომელიც კორონავირუსმა მძიმედ დააზარალა. ამ დროისთვის ქვეყანაში კორონავირუსის 227364 შემთხვევაა აღრიცხული. ვირუსს კი 32330 ადამიანი ემსხვერპლა. აღსანიშნავია, რომ ბოლო კვირების მანძილზე იტალიაში დღიურ შემთხვევათა და გარდაცვლილთა რაოდენობამ იკლო.