„ევროპული საქართველო“ ხელისუფლებას სთავაზობს, ბიზნესმა დღგ-ს გადასახადი საქონლის რეალიზაციის შემდეგ გადაიხადოს

როგორ გვინდა სამუშაო ადგილები შევინარჩუნოთ და ასევე, ინფლაციაც შევინარჩუნოთ დაბალ მაჩვენებელზე, როცა დღგ-ს გადასახადის სტრუქტურას არ ცვლით, - ამის შესახებ „ევროპული საქართველოს" ერთ-ერთმა ლიდერმა ოთარ კახიძემ პლენარულ სხდომაზე განაცხადა. მისივე თქმით, სჯობს ბიზნესმა დღგ საქონლის რეალიზაციის შემდეგ გადაიხადოს და არა - მანამდე.

„ადამიანმა, ახლა როცა რესურსები არის ნაკლები და შეუძლებელია გათვლა, ბიზნესი მოახდენს თუ არა შემოტანილი საქონლის რეალიზაციას, უნდა შემოიტანოს პროდუქცია და მომენტალურად გადაიხადოს დღგ, ნაცვლად იმისა, რომ „სეილს ტაქსი“ შემოვიღოთ და რეალიზაციის შემდეგ გადაიხადოს. ეს შემოთავაზებები არამხოლოდ არასაკმარისია, ამავე დროს რთულია და სინამდვილეში ეფექტს კი არ მოგვცემს, იქნება ფრაგმენტული და ამ კრიზის კიდევ უფრო გააღრმავებს. გირჩევთ და მოგიწოდებთ, წაიკითხოთ ის გაანგარიშებული გეგმა, რომელიც „ევროპულმა საქართველომ" წარმოადგენა და იხელმძღვანელოთ მაგით," - განაცხადა ოთარ კახიძემ.

მისივე თქმით, „ქართული ოცნების" მიერ შემოთავაზებული ცვლილებები არის ფრაგმენტული.

„ეს არ არის გეგმა და პოლიტიკა. როცა საუბრობთ, რომ დიდი კლებაა ყველა სექტორში და დიდი დარტყმა მიიღო ყველა სექტორმა, რა საშემოსავლო გადასახადის გამოქვითვაზე საუბრობთ, როცა დღესაც კი საპენსიო შენატანს ართმევთ როგორც დასაქმებულს, ისე დამსაქმებელს. მილიარდ ლარამდე არის ბიუჯეტში აკუმულირებული, ასეულობით მილიონი ლარი გაქვთ ამოღებული დასაქმებულების ჯიბიდან და ეუბნებით რომ 30 წლის მერე დაუბრუნებთ, შავი დღისთვის რომ არის შენახული იმ ფულს. ახლა რომ ამბობთ, 1500 ლარიანი ხელფასის მქონე მოქალაქეს შეღავათს არ გაუწევთ, ამ მოქალაქეს დაგროვილი აქვს 500 ლარი საპენსიო ფონდში, ზემოდან დამატებული ბიუჯეტის 500, დამსაქმებლისგან კიდევ 500 ლარი. ანუ 1500 ლარი არის ხელმისაწვდომი და ამ ფულს რატომ არ უბრუნებთ? რაღაც ფულის სამომავლოდ გამოქვითვა და საბიუჯეტო სუბსიდირება კი არა, თავისი ფული რომ აქვს, ამ ფულს რატომ არ აძლევთ უკან? ამასთან, დღესაც ართმევთ ჯიბიდან დამატებით და ამ კრიზისში მყოფ ეკონომიკას კიდევ ტვირთად აწვებით," - განაცხადა ოთარ კახიძემ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა