ირაკლი კობახიძე შეზღუდვების შესახებ პროექტზე - პარლამენტის საზედამხედველო უფლებამოსილებები სრულად რჩება ძალაში, ყველაფერი დანარჩენი წმინდა წყლის სპეკულაციაა

პარლამენტის საზედამხედველო უფლებამოსილებები სრულად რჩება ძალაში, ყველაფერი დანარჩენი არის მხოლოდ და მხოლოდ წმინდა წყლის სპეკულაცია,- ამის შესახებ პარლამენტის ყოფილმა თავმჯდომარემ, ირაკლი კობახიძემ ჟურნალისტებთან საზოგადოებრივი ჯანდაცვის შესახებ კანონპროექტთან დაკავშირებით განაცხადა.

მისი თქმით, კანონპროექტში ადამიანის უფლებების დაცვის ნაწილში ყველაფერი ნათელია და უფლებები შეიზღუდება იმ სტანდარტის შესაბამისად, რომელსაც კომსტიტუცია ადგენს.

"კანონში შედის ახალი ჩანაწერები, რომელიც აძლევს მთავრობას ახალი შეზღუდვების დადგენის შესაძლებლობას. ეს შეზღუდვები არის აუცილებელი იმისათვის, რომ საგანგებო მდგომარეობის გაუქმების შემდეგ შესაძლებელი გახდეს ვითარების მართვა. აქ გვქონდა ჩვენ რეალურად სამი სხვადასხვა ალტერნატივა: საგანგებოს გაგრძელება, რაც კონსტიტუციის შეცვლის შესაძლებლობას არ იძლეოდა, მეორე იყო - ეპიდემიის თავის ნებაზე მიშვება და მესამე - ამ კანონის მიღება. ჩვენ შეგვიძლია შევეკითხოთ ოპოზიციის, არასამთავრობო ორგანიზაციების წარმომადგენლებს ამ სამიდან რომელი იყო უფრო უკეთესი შესაძლებლობა. მგონი პასუხი არის ძალიან მარტივი, ერთადერთი ალტერნატივა იყო ამ კანონის მიღება. რაც შეეხება ორ თემას: ადამიანის უფლებებს და საპარლამენტო ზედამხედველობას, ადამიანის უფლებების ნაწილში ყველაფერი არის ძალიან ნათელი და ყველაფერი არის ძალიან კარგად. კონსტიტუცია ადგენს სტანდარტებს და ადამიანის უფლებები შეიზღუდება ამ სტანდარტების შესაბამისად, მათ შორის, თანაზომიერების და განჭვრეტადობის პრინციპების დაცვით. რაც შეეხება საპარლამენტო ზედამხედველობას, ყველა უფლებამოსილება რჩება პარლამენტს, მას შეუძლია გამოიყებოს კონსტიტუციით მინიჭებული ყველა ბერკეტი, მათ შორის, დასვას კითხვები, დაიბაროს მთავრობის წევრები პრემიერ- მინისტრის ჩათვლით და ა.შ. პარლამენტის საზედამხედველო უფლებამოსილებები სრულად რჩება ძალაში, ყველაფერი დანარჩენი არის მხოლოდ და მხოლოდ წმინდა წყლის სპეკულაცია,"- განაცხადა კობახიძემ.

ცნობისთვის, ახალი კანონპროექტის მიხედვით, მთავრობას ქვეყანაში შემზღუდავი ღონისძიებების გატარება საგანგებო მდგომარეობის გამოცხადების გარეშეც შეეძლება. „საზოგადოებრივი ჯანმრთელობის დაცვის შესახებ“ კანონში დაგეგმილი ცვლილებების პროექტის თანახმად, საკარანტინო ღონისძიებები ახლებურად განისაზღვრება და გულისხმობს ისეთ ღონისძიებებსაც, რაც დაკავშირებულია გადაადგილების, ეკონომიკური საქმიანობის, საკუთრების, თავშეყრის, შრომის და სხვა უფლებების შეზღუდვასთან.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ