კიდევ ერთი გოიმური განცხადება ოპოზიციის მხრიდან, - ასე პასუხობს პარლამენტის ყოფილი თავმჯდომარე ირაკლი კობახიძე ჟურნალისტების კითხვას, რომელიც კინზინგერის საქართველოში არჩევნებისთვის ჩამოსვლის საკითხზე ოპოზიციის შეფასებებს შეეხება. ირაკლი კობახიძის განცხადებით, კინზინგერის ჩამოსვლას ხელისუფლება მიესალმება.
"დიდი იმედი გვაქვს, რომ დეპუტატები კონგრესიდან, ევროპარლამენტარები, ზოგადად პოლიტიკოსები დასავლეთიდან ფართოდ იქნებიან წარმოდგენილნი საპარლამენტო არჩევნების დროს. ჩვენ ამაზე ძალიან აქტიურად ვმუშაობთ საპარლამენტო ასამბლეაში, მეგობარ ქვეყნებთან და დიდ იმედს გამოვთქვამთ, რომ კინზინგერი, ასევე ჩვენი მეგობარი კოლეგები სხვადასხვა ქვეყნის პარლამენტიდან იქნებიან ფართოდ წარმოდგენილი საქართველოში,"- განაცხადა ირაკლი კობახიძემ.
ცნობისათვის, ოპოზიციის ნაწილის შეფასებით, კინზინგერის აღნიშნული განცხადება, რომელიც საქართველოში არჩევნების პერიოდში ჩამოსვლას უკავშირდება, იმაზე მიუთითებს, რომ საერთაშორისო პარტნიორებს ნდობა არ გააჩნიათ.