არავინ არ არის „ქართული ოცნებისთვის" ფარცხალაძე,- ასე პასუხობს პარლამენტის ყოფილი თავმჯდომარე ირაკლი კობახიძე ჟურნალისტის კითხვას, ვინ არის ოთარ ფარცხალაძე „ქართული ოცნებისთვის" და რატომ ჭიანურდება დიდი ხნის განმავლობაში სასამართლოში მის წინააღმდეგ დაწყებული საქმე.
როგორც კობახიძე ამბობს, ხელისუფლება სასამართლოს გადაწყვეტილებაში არანაირი ფორმით არ ერევა.
„ხელისუფლება არავითარი ფორმით არ ერევა და ვერ ჩაერევა სასამართლო ხელისუფლების საქმიანობაში. ეს არის ერთადერთი განცხადება, რომელიც ამაზე შეიძლება გაკეთდეს,"- აცხადებს ირაკლი კობახიძე.
ცნობისათვის, ოთარ ფარცხალაძეს ყოფილი გენერალური აუდიტორის ლაშა თორდიას ცემა ედება ბრალად.