ილია ნაკაშიძე - ყველა ვთანხმდებით იმაზე, რომ ეს შეზღუდვები აუცილებელია

ამ კანონპროექტის მიზანი, პირველ რიგში იმაში მდგომარეობს, რომ ჩვენ თავიდან ავიცილოთ საგანგებო მდგომარეობა, აღვადგინოთ პოლიტიკური თავისუფლება საქართველოში, მინიმალური ზარალი მივაყენოთ ეკონომიკას და მაქსიმალურად დავიცვათ ჩვენი მოსახლეობის ჯანმრთელობა. სხვათა შორის, ყველა ვთანხმდებით იმაზე, რომ ეს შეზღუდვები აუცილებელია, - განაცხადა პარლამენტის თავმჯდომარის მოადგილემ, ილია ნაკაშიძემ პლენარულ სხდომაზე „საზოგადოებრივი ჯანმრთელობის შესახებ“ კანონში შესატან ცვლილებების განხილვისას.

მისივე თქმით, საქართველოს კონსტიტუციის 28-ე მუხლი პირდაპირ ავალდებულებს სახელმწიფოს დაიცვას საზოგადოების ჯანმრთელობა. პარლამენტის თავმჯდომარის მოადგილის განცხადებით, კანონში შესატანი ცვლილებები ჩვეულებრივი დაზუსტებაა, რაც ნიშნავს სუბიექტური კომპონენტის მინიმალიზაციას.

„რაც შეეხება, ვინ უნდა შეასრულოს ტექნიკურად ეს ცვლილები. პირველ რიგში, ესენი არიან ჩვენი კოლეგები დაავადებათა კონტროლიდან, რომლებიც პროფესიულად უდგებიან ამ საკითხს. ჩვენ დავიწყებული გვქონდა, რომ ეპიდემიოლოგია და ინფექციური სნეულებები არის საგანი, რაც შეგვახსენა ამ ეპიდემიამ და ამას ნუ დავივიწყებთ“, - აღნიშნა ილია ნაკაშიძემ.

აღნიშნულ ინფორმაციას საქართველოს პარლამენტის პრესსამსახური ავრცელებს.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ