ესპანეთში ბოლო ორ თვეში კორონავირუსით სიკვდილიანობის ყველაზე დაბალი დღიური მაჩვენებელი დაფიქსირდა. ქვეყნის ჯანდაცვის სამინისტროს მონაცემებით, გასული დღე-ღამის განმავლობაში კორონავირუსით 48 ადამიანი გარდაიცვალა. 16 მარტის შემდგომ კორონავირუსით სიკვდილიანობის დღიური მაჩვენებელი 50-ზე ნაკლები არ ყოფილა.

საბოლოო ჯამში, ვირუსს ქვეყანაში 27,940 ადამიანი ემსხვერპლა.

რაც შეეხება დაინფიცირების ახალ შემთხვევებს, გასულ დღე-ღამეში ვირუსი კიდევ 482 ადამიანს აღმოაჩნდა. დღემდე, ესპანეთში Covid-19 სულ 233,037 ადამიანს გამოუვლინდა.