ცალკე საინტერესო საკითხია, რომ საერთოდ დაივიწყა ოპოზიციამ ბაჩო ახალაია. მუდმივად, მხოლოდ იმაზე საუბრობენ, რომ ახალაია იყო პოლიტპატიმარი. დღეს ჩამოთვალეს სამი პოლიტპატიმარი და ახალაია საერთოდ არ არის ამ სიაში, ეს რაზე მეტყველებს?! ან ძალიან აჭრილები არიან, ან კიდევ აბსოლუტურად უპრინციპოები, არც კოლეგიალობა იციან, არც მეგობრობა და არც არაფერი , - ამის შესახებ პარლამენტის ყოფილმა თავმჯდომარემ ირაკლი კობახიძემ „პალიტრანიუსის“ გადაცემაში „360 გრადუსი“ განაცხადა.
მისი თქმით, „ამიტომ არიან მთლიანობაში, ასე გოიმურად წარმოდგენილი პოლიტიკურ სივრცეში“.
„შეუძლებელია, ასეთ პოლიტიკურ სუბიექტებს ჰქონდეთ რაიმე წარმატება საქართველოში, რადგან ქართულ საზოგადოებას აქვს ამბიცია, რომ საბოლოო ჯამში გაუტოლდეს ევროპულ სტანდარტებს პოლიტიკაში, დემოკრატიაში და ა.შ. ასეთი საზოგადოება, ბუნებრივია, უგულავებს, ოქრუაშვილებს, მისთანებს არასდროს აირჩევს და ხელისუფლებაში არასდროს დააბრუნებს. ერთხელ იწვნია საზოგადოებამ ის სიმწარე, რაც დაკავშირებული იყო ამ პოლიტიკოსებთან. ქურდობის, ყაჩაღობის, ტერიტორიების დაკარგვის ჩათვლით და ბუნებრივია, ამ შეცდომას აღარავინ გავიმეორებთ მომავალში“, - განაცხადა კობახიძემ.