პერუს ქალაქ ტანტარას მერი ჯეიმ ურინა ტორისი, რომელმაც კორონავირუსის გამო დაწესებული კომენდანტის საათი ნასვამ მდგომარეობაში დაარღვია, პოლიციამ დააპატიმრა,- ამის შესახებ ინფორმაციას „ტელეგრაფი“ ავრცელებს.

გამოცემის ცნობით, მერმა, რომელიც კომენდანტის საათის დროს მეგობრებთან ერთად გარეთ იმყოფებოდა, პოლიციისგან თავის დაღწევა კორონავირუსით გარდაცვლილი პაციენტებისთვის განკუთვნილ კუბოში ჩაწოლითა და გარდაცვილის როლის განსახიერებით დააპირა.

მერი პოლიციამ დააპატიმრა, დაპატიმრებმადე კი ფოტოები გადაუღო.

ადგილობრივ მოსახლეობას ტორესი კარანტინის დარღვევაში არაერთხელ დაუდანაშაულებია, თუმცა მერი ბრალდებებს ყოველთვის უარყოფდა.

ცნობისათვის, პერუში კორონავირუსის 100 000-მდე შემთხვევაა დადასტურებული, დაღუპულია 2 914 ადამიანი. შემთხვევების რაოდენობის მიხედვით ქვეყანა რეგიონში მეორე ადგილზე დგას ბრაზილიის შემდეგ.