ეროვნული უსაფრთხოების საბჭოსთან არსებული ეროვნული დონის კონცეპტუალური დოკუმენტების შემუშავების მაკოორდინირებელი უწყებათშორისი კომისიის სხდომა გაიმართა

ეროვნული უსაფრთხოების საბჭოს აპარატის ორგანიზებით, ეროვნული უსაფრთხოების საბჭოსთან არსებული, ეროვნული დონის კონცეპტუალური დოკუმენტების შემუშავების მაკოორდინირებელი მუდმივმოქმედი უწყებათშორისი კომისიის პირველი სხდომა გაიმართა. ამის შესახებ "ინტერპრესნიუსს" მთავრობის ადმინისტრაციიდან აცნობეს.

კომისია, ეროვნული უსაფრთხოების სფეროში კონცეპტუალური დოკუმენტების განახლების მიზნით, წინადადებებსა და რეკომენდაციებს შეიმუშავებს და შესაბამისი ღონისძიებების განხორციელების ხელშეწყობისთვის, უსაფრთხოების სფეროს რელევანტური აქტორების საქმიანობის კოორდინაციას განახორციელებს.

კომისიას ეროვნული უსაფრთხოების საბჭოს მდივანი ვახტანგ გომელაური ხელმძღვანელობს, ხოლო წევრები რელევანტური აღმასრულებელი უწყებებიდან არიან წარმოდგენილი. ამასთან, კომისიის საქმიანობაში გათვალისწინებულია საქართველოს პარლამენტის წარმომადგენლების მონაწილეობა.

"კომისიის სხდომაზე, ეროვნული უსაფრთხოების საბჭოს მდივანმა, ვახტანგ გომელაურმა, ხაზი გაუსვა ეროვნული უსაფრთხოების კონცეფციისა და საქართველოს საფრთხეების შეფასების დოკუმენტის განახლების მნიშვნელობას, რადგან, ისინი არსებული ფორმით უსაფრთხოების თანამედროვე გარემოსა და მასთან დაკავშირებულ, აქტუალურ გამოწვევებს სათანადოდ არ ასახავს.

ამასთან, სხდომაზე, კონცეპტუალური დოკუმენტების გადახედვის მიზნით, შესაბამისი უწყებათაშორისი სამუშაო ჯგუფების (ექსპერტულ დონეზე) შექმნის გადაწყვეტილება მიიღეს, რომლებიც სექტორული უწყებების წარმომადგენლებისგან დაკომპლექტდება", - ნათქვამია გავრცელებულ ინფორმაციაში.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ