საერთოდ, ოპოზიციაც არის ხელისუფლების ნაწილი. ნორმალურ ქვეყანაში ყველა დადგებოდა ერთად, - ამის შესახებ საქართველოს პრემიერ-მინისტრმა გიორგი გახარიამ განაცხადა. მისი თქმით, იმ პირობებში, როდესაც რეგიონში მძიმე ვითარებაა და საქართველო ახერხებს ნორმალურ ოპერირებას, ყველა პოლიტიკური ძალა უნდა აკეთებდეს ერთ საქმეს.
„რეალურად ახლა რაც ხდება მუშევანში, როდესაც მოსახლეობას ასე პირდაპირ მივდივართ და ვტესტავთ და დაახლოებით 30% ამოვარდა ინფიცირებულების, იგივე ხდება ჩვენს მეზობელ სომხეთში, დიდი მუშევანიაო ბატონმა პაატამ თქვა გუშინ. ასეთი რაღაცეები როცა ხდება რეგიონში და ჩვენ ასე თუ ისე ნორმალურად ვოპერირებთ, საერთოდ ოპოზიციაც არის ხელისუფლების ნაწილი და ნორმალურ ქვეყანაში ყველა დადგებოდა ერთად და უნდა ვაკეთებდეთ ერთ საქმეს. სამწუხაროა, მაგრამ ამასაც უნდა გავუძლოთ,“- განაცხადა გიორგი გახარიამ.