ადამ კინზინგერი - მთავრობამ მითხრა, რომ ანაკლიის პორტი ძალიან მნიშვნელოვანია, მათი მჯერა და მოვუწოდებ, რაც შეიძლება მალე ჩადონ ამერიკული ინვესტიციები პორტის პროექტში

მთავრობამ მე მითხრა, რომ პორტი ძალიან მნიშვნელოვანია, მათი მჯერა და მოვუწოდებ, რაც შეიძლება მალე ჩადონ ამერიკული ინვესტიციები პორტის პროექტში, - ამის შესახებ კონგრესმენმა ადამ კინზინგერმა "ამერიკის ხმის“ ქართულ ბიუროსთან ინტერვიუში, ინვესტიციებზე საუბრისას ანკლიის პორტთან დაკავშირებით განაცხადა.

მისივე თქმით, როცა ინვესტიციებს ეხება საქმე, ეს ყველასთვის ყველგან შეიძლება იყოს შეშფოთების საგანი.

“მე ამას ვეტყოდი ქართველ ხალხს და საქართველოს მთავრობას, ვფიქრობ, ძალიან უნდათ ამერიკა იყოს დაინტერესებული მათი ქვეყნით, უნდა გავაგრძელოთ ისეთი გარემოს შექმნაზე მუშაობა, სადაც ინვესტიციები ხელშეწყობილი და მისასალმებელია და რეგულაციები თავისუფალი და სამართლიანი კლიმატის შექმნის მიღმა სხვა მიზნებისთვის არ გამოიყენება. აშშ-ში ასეა. ქართულ კომპანიას, რომელსაც სურს აშშ-ში ინვესტიცია, ისევე ექცევიან, როგორც ამერიკულ კომპანიას, თუ, რა თქმა უნდა, საქმე ეროვნულ უსაფრთხოებას არ ეხება. სულ ესაა რაც გვსურს. საქმეების დეტალების განხილვას არ ვაპირებ. მთავრობამ მე მითხრა, რომ პორტი ძალიან მნიშვნელოვანია მათი მჯერა და მოვუწოდებ, რაც შეიძლება მალე ჩადონ ამერიკული ინვესტიციები პორტის პროექტში," - განაცხადა ადამ კინზინგერმა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ