სოფო კილაძემ გაეროს ყოველწლიურ საერთაშორისო ფორუმში მიიღო მონაწილეობა. როგორც საქართველოს პარლამენტის მიერ, გავრცელებულ ინფორმაციაშია აღნიშნული, წელს პირველად პანდემიის გამო, ტრადიციული სტოქჰოლმის დისკუსია ონლაინ ფორმატში ჩატარდა.

მათივე ცნობით, დისტანციურ ფორუმზე, გაეროს წევრი ქვეყნების წამომადგენლებმა ისაუბრეს პარლამენტების როლზე უსაფრთხოების მმართველობის კუთხით და მსოფლიოში პანდემიით გამოწვეული სირთულეები განიხილეს.

"ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, თავის გამოსვლაში ყურადღება გაამახვილა პანდემიის დროს საქართველოს ხელისუფლების მიერ განხორციელებულ ნაბიჯებზე, როგორც ჯანდაცვის მიმართულებით, ასევე ეკონომიკური კუთხით. სოფო კილაძემ მონაწილეებს ასევე გააცნო საქართველოს პარლამენტის და უშუალოდ კომიტეტის საქმიანობა კოვიდ19-თან წინააღმდეგ ბრძოლაში" , - ნათქვამია ინფორმაციაში.