პარლამენტმა საგანგებო სესიის ფარგლებში მუშაობა დაასრულა. საკანონმდებლო ორგანო მომდევნო კვირიდან საგაზაფხულო სესიის ფარგლებში გააგრძელებს საქმიანობას. დღის წესრიგით გათვალისწინებული საკითხების კენჭისყრის შემდეგ, პარლამენტის თავმჯდომარემ საგანგებო სესია დახურულად გამოაცხადა, რის შემდეგაც საქართველოს ჰიმნი შესრულდა.

„დღევანდელი სხდომის დასრულებით ჩვენ ასევე ვამთავრებთ საგანგებო სესიას. ამით საგანგებო სესია ამოწურულია და პარლამენტი საქმიანობას გააგრძელებს საგაზაფხულო სესიის ფარგლებში, რეგულარულ რეჟიმში,“ - განაცხადა არჩილ თალაკვაძემ.