საქართველოს პარლამენტის პირველი ვიცე-სპიკერი, გია ვოლსკი აცხადებს, რომ რადგან დავით მათიკაშვილი უმრავლესობის დეპუტატია, არ ნიშნავს, რომ მისი მეუღლის მოსამართლედ დანიშვნა არ შეიძლება.
როგორც ვოლსკიმ ჟურნალისტებს განუცხადა, აღნიშნულ შემთხვევაში კითხვები უსაფუძვლოა.
"დავით მათიკაშვილი რახან არის პარლამენტის წევრი, ეს იმას არ ნიშნავს, რომ მის მეუღლეს არ შეუძლია, იყოს მოსამართლე. ეგ ჩვეულებრივი ამბავია. თუ რაიმეს შეამჩნევთ, როდესაც გადაწყვეტილებას მიიღებს ისეთს, რომელიც მოგცემთ საფუძველს, რომ ეჭვები გამოიტანოთ, რომ ამის გამოა ეს გადაწყვეტილება მიღებული, რომ ის მათიკაშვილის მეუღლეა, აი, მაშინ თქვენს შეკითხვას ექნება საფუძველი", - განაცხადა ვოლსკიმ.
შეგახსენებთ, ნინო მამულაშვილი თბილისის საქალაქო სასამართლოს სამოქალაქო საქმეთა კოლეგიის მოსამართლეა 2017 წლის 25 მაისიდან, რომელიც სამი წლის გამოსაცდელი ვადით იყო დანიშნული. დღეს კი ის იუსტიციის საბჭომ ამავე სასამართლოში უვადოდ დანიშნა.