მაია ცქიტიშვილი სამტრედია-გრიგოლეთის საავტომობილო გზის სხვადასხვა მონაკვეთზე მიმდინარე სამუშაოს გაეცნო

ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი აღმოსავლეთ-დასავლეთის ავტომაგისტრალის სამტრედია-გრიგოლეთის სხვადასხვა მონაკვეთზე მიმდინარე მშენებლობა-რეაბილიტაცის სამუშაოებს გაეცნო. როგორც „ინტერპრესნიუსს“ ინფრასტრუქტურსა და რეგიონული განვითარების სამინისტროდან აცნობეს, ჯაპანა-ლანჩხუთის მონაკვეთზე მოძრაობის გახსნა მიმდინარე წლის ზაფხულში იგეგმება. პარალელურად, მიმდინარეობს შიდასახელმწიფოებრივი მნიშვნელობის გზის რეაბილიტაცია, რომლის დასრულების შემდეგ ტრანსპორტის ძირითადი ნაწილი არ გამოიყენებს ჯაპანას სარკინიგზო გადასასვლელს, რაც მნიშვნელოვნად აფერხებს მოძრაობას და გვერდს აუვლის 6 მჭიდროდ დასახლებულ სოფელს, ესაა - ჯაპანა, ქვიანი, ჭყონაგორა, ნიგოითი, ზემო და ქვემო შუხუთი.

„სამტრედია-გრიგოლეთი წლების განმავლობაში პრობლემური ობიექტი იყო. პირველ მონაკვეთზე, სადაც მანამდე უკრაინული კომპანია, სამწუხაროდ, წარუმატებლად მუშაობდა, ახლა სამშენებლო სამუშაოები ძალიან აქტიურ რეჟიმში მიმდინარეობს. 12 კმ-იანი მონაკვეთის ფარგლებში რიონზე შენდება ხიდი და ამ რთული საინჟინრო ნაგებობის დასრულების შემდეგ სამუშაოები კიდევ უფრო აქტიურად წავა. ძალიან მნიშვნელოვანია, რომ უკვე წელს ზაფხულში შევძლებთ სამტრედია-გრიგოლეთის 14 კმ-იანი მონაკვეთის გახსნას, რაც მოგვცემს დაახლოებით ნახევარი საათის ეკონომიას. ვიმედოვნებთ, რომ იმ დროისთვის სასტუმროები გახსნილი იქნება და ყველა შეძლებს ამ გზით სარგებლობას. გარდა ამისა, ასევე აქტიურად მიმდინარეობს სამუშაო სხვადასხვა მონაკვეთზე, რაც სხვა სიკეთეებთან ერთად, აქ მცხოვრები ადამიანებისთვის დასაქმების შესაძლებლობაა, რაც რა თქმა უნდა, ძალიან მნიშვნელოვანია,“ - განაცხადა მაია ცქიტიშვილმა.

ვიცე-პრემიერი ასევე გაეცნო აბაშა-გაღმა კოდორი-გულეისკირი-ჯაპანას საავტომობილო გზის სარეაბილიტაციო სამუშაოს. ეს მონაკვეთი სამტრედია-გრიგოლეთის ახალ ჩქაროსნულ ავტომაგისტრალს შეუერთდება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს