კახა კალაძე ოპოზიციაზე - ისინი მხოლოდ და მხოლოდ დესტრუქციით შემოიფარგლებიან, რაც ცუდია, პირველ რიგში, მათთვის და ჩვენი ქვეყნისთვის

მთლიანად მათი არსებობის განმავლობაში, ისინი მხოლოდ და მხოლოდ დესტრუქციით შემოიფარგლებიან, რაც ცუდია, პირველ რიგში, მათთვის და ცუდია ჩვენი ქვეყნისთვის, - ასე შეაფასა „ქართული ოცნების“ გენერალურმა მდივანმა კახა კალაძემ ის ფაქტი, რომ ოპოზიციამ „საზოგადოებრივი ჯანმრთელობის შესახებ კანონში“ ცვლილებების პაკეტს მხარი არ დაუჭირა.

კალაძის განცხადებით, ოპოზიციის ქმედებები, პირველ რიგში, მათ დააზიანებს და ეს 2020 წლის საპარლამენტო არჩევნებზე გამოჩნდება.

„ჩვენ თუ შევხედავთ ბოლო თვეების განმავლობაში ოპოზიციის ქმედებებს და არა მხოლოდ ბოლო თვეების განმავლობაში, მთლიანად მათი არსებობის განმავლობაში, ისინი მხოლოდ და მხოლოდ დესტრუქციით შემოიფარგლებიან, რაც ცუდია, პირველ რიგში, მათთვის, ცუდია ჩვენი ქვეყნისთვის, მაგრამ არაუშავს, საზოგადოება, ხალხი ყველაფერს ხედავს. მე არ შემიძლია, არ აღვნიშნო პანდემიის დროს, ამ რთულ ვითარებაში, რთულ პერიოდში თუ როგორი ზიზღით მოიხსენიებდნენ იმ ადამიანებს, ვინც ფრონტის წინა ხაზზე იყო, ვინც ყველაფერს აკეთებდა ჩვენი ქვეყნის მოქალაქეების ჯანმრთელობის უსაფრთხოებისა და სიცოცხლისთვის. შესაბამისად, რა თქმა უნდა, პირველ რიგში, ეს ქმედებები მათ დააზიანებს და ეს ყველაფერი გამოჩნდება 2020 წლის საპარლამენტო არჩევნებზე,“- განაცხადა კახა კალაძემ.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ