აზერბაიჯანში, ბოლო 24 საათის მანძილზე კორონავირუსის 127 ახალი შემთხვევა გამოვლინდა და საერთო ჯამში ინფიცირებულთა რაოდენობამ 3982-ს მიაღწია. ამასთან, ქვეყანაში უკანასკნელი დღე-ღამის განმავლობაში ვირუსს 3 ადამიანი ემსხვერპლა და დაღუპულთა რაოდენობა 49-მდე გაიზარდა.
აზერბაიჯანის კორონავირუსთან ბრძოლის ოპერატიული შტაბის ინფორმაციით, ამ დროისთვის გამოჯანმრთელებულია 2506 პაციენტი, ხოლო აქტიურ შემთხვევათა რიცხვი 1427-ს შეადგენს.