რუსეთში გასულ დღე-ღამეში კორონავირუსის 8 599 ახალი შემთხვევა გამოვლინდა, 153 ადამიანი კი გარდაიცვალა
რუსეთში, ბოლო 24 საათის მანძილზე კორონავირუსის 8 599 ახალი შემთხვევა გამოვლინდა და საერთო ჯამში ინფიცირებულთა რაოდენობამ 344 400-ს გადააჭარბა. ინფორმაციას რუსეთის კორონავირუსთან ბრძოლის ოპერატიული შტაბი ავრცელებს.
ამასთან, ქვეყანაში, უკანასკნელი დღე-ღამის მანძილზე კორონავირუსით კიდევ 153 ადამიანი გარდაიცვალა და მთლიანობაში დაღუპულთა რიცხვმა 3 541 შეადგინა.
აღსანიშნავია, რომ ბოლო რამდენიმე დღის განმავლობაში რუსეთში კორონავირუსის შემთხვევები შემცირდა.
