პაკისტანში, ყარაჩიში ჩამოვარდნილი „პაკისტანის საერთაშორისო ავიახაზების“ კუთვნილი ბოინგი, დაფრენის პირველ ჯერზე, შესაძლოა, სამჯერ წამოედო დასაფრენ ზოლს. ამის შესახებ ტელეკომპანია „Geo TV“ პაკისტანის სამოქალაქო ავიაციაში წყაროზე დაყრდნობით იუწყება.
ტელეკომპანიის ინფორმაციით, პირველი დაჯდომის დროს, შესაძლოა, ძრავი სამჯერ წამოედო დასაფრენ ზოლს, რასაც ადასტურებს ზოლზე დატოვებული კვალი, რის შესახებაც სამმართველოს ანგარიშშია საუბარი. ექსპერტების ინფორმაციით, ზედაპირთან კონტაქტის შედეგად, შესაძლებელია, მწყობრიდან გამოსულიყო საწვავის მიწოდების სისტემა.
ქვეყნის პრემიერის განცხადებით, ავიაკატასტროფის შემსწავლელი კომისია მუშაობას სამ თვეში დაასრულებს.
ავიაკატასტროფის დროს თვითმფრინავში 91 მგზავრი და ეკიპაჟის 8 წევრი იმყოფებოდა.