დიდ ბრიტანეთში სკოლების ნაწილი 1-ელ ივნისს გაიხსნება. ამის შესახებ პრესკონფერენციაზე პრემიერ-მინისტრმა ბორის ჯონსონმა განაცხადა.

ჯონსონის განცხადებით, მათ სურთ, რომ ბრიტანელი ბავშვები საკლასო ოთახებში დააბრუნონ, თუმცა უსაფრთხოების ნორმების გათვალისწინებით.

პირველ ეტაპზე დიდ ბრიტანეთში სკოლები იმ მოსწავლეებისთვის გაიხსნება, რომლებიც დაწყებით საფეხურზე სწავლობენ.

როგორც პრემიერმა აღნიშნა, სკოლებს სპეციალური გაიდლაინები ექნებათ, როგორ უნდა გაიხსნას, რომ უზრუნველყოს მოსწავლეების, მასწავლებლებისა და მშობლების უსაფრთხოება.

ცნობისთვის, დიდ ბრიტანეთში გასული დღე-ღამის განმავლობაში კორონავირუსით 114 ადამიანი დაიღუპა, რაც მარტის ბოლო რიცხვების შემდეგ, ყველაზე დაბალი მაჩვენებელია. საერთო ჯამში, ვირუსით ქვეყანაში დაღუპულთა რიცხვი 36 700-ს აჭარბებს. დიდ ბრიტანეთში გასულ 24 საათში კორონავირუსით კიდევ 2405 ადამიანი დაინფიცირდა და საერთო რიცხვმა 259 500-ს გადააჭარბა.