აშშ ცდილობს, კონტროლირებადი მედიის, ბლოგერებისა და ოპოზიციონერი პოლიტიკოსების გამოყენებით ვლადიმერ პუტინის მიმართ რუსეთის მოქალაქეების ნდობას ძირი გამოუთხაროს, - ამის შესახებ რუსეთის სახელმწიფო დუმის სპიკერმა ვიაჩესლავ ვოლოდინმა განაცხადა.
მისივე თქმით, აშშ-ის ის პროგრესი და უპირატესობა აღიზიანებს, რასაც რუსეთმა ვლადიმერ პუტინის დამსახურებით მიაღწია.
„ჩვენმა პრეზიდენტმა ვლადიმერ პუტინმა რუსეთი სრულიად ახალ დონეზე აიყვანა. ცხოვრების ყველა სფეროში მნიშვნელოვანი წინსვლა გვაქვს. ჩვენ ჩვენს პოზიციებს ვაძლიერებთ და ამიტომ ისინი ჩვენს უპირატესობას თავს ესხმიან. ჩვენი უპირატესობა ჩვენი პრეზიდენტია, რომელიც მოქალაქეების მხარდაჭერით სარგებლობს და აშშ ამ ნდობის ძირის გამოთხრას ცდილობს,“- განაცხადა ვოლოდინმა.
ცნობისათვის, სახელმწიფო დუმის სპიკერის განცხადებამდე რუსეთის საელჩომ აშშ-ში გამოცემა „ბლუმბერგს“ მოუწოდა, ვლადიმერ პუტინის რეიტინგის შესახებ ცრუ ინფორმაციის გამო ბოდიში მოეხადა. დიპლომატების განმარტებით, ინფორმაციაში აღნიშნული იყო, რომ რუსეთის საზოგადოებრივი აზრის კვლევის ცენტრის მონაცემების თანახმად, რუსეთის პრეზიდენტის ნდობის რეიტინგი 27%-ია, რეალურა კი ეს მაჩვნებელი 67.9%-ია.
ინფორმაციას სააგენტო „ტასი“ ავრცელებს.