თბილისის საკრებულოს ისნის რაიონის მაჟორიტარი წევრის, ლევა­ნ დავითაშვილისა და ამავე რაიონის დეპუტატის, პარლამენტარ ირაკლი აბუსერიძის ერთობლივი ინიციატივით, ისნის რაიონში მცხოვრებ მრავალშვილიან ოჯახებს და შეზღუდული შესაძლებლობის სტატუსის მქონე პირებს საკვები პროდუქტები და ჰიგიენის საშუალებები გადაეცათ.

როგორც „ინტერპრესნიუსს“ თბილისის საკრებულოდან აცნობეს, მოსახლეობას დეპუტატებმა, საკრებულოს თავმჯდომარე გიორგი ტყემალაძესთან და ფრაქცია „ქართული ოცნება-დემოკრატიული საქართველოს“ თავმჯდომარე, ბექა დავითულიანთან ერთად დაურიგეს.

მათივე ცნობით, თბილისის საკრებულოს თავმჯდომარემ გიორგი ტყემალაძემ ლევა­ნ დავითაშვილსა და ირაკლი აბუსერიძეს აღნიშნული ინიციატივისთვის მადლობა გადაუხადა და განაცხადა, რომ საკრებულოს კამპანიის პარალელურად, ისნის რაიონის დეპუტატები, თავიანთი ძალისხმევით, იმ ოჯახებს ეხმარებიან, რომლებიც პანდემიის პირობებში შემოსავლის გარეშე დარჩნენ.

„მოგეხსენებათ, თბილისის საკრებულომ კორონავირუსთან ბრძოლის პერიოდში დაიწყო კამპანია, რომელიც სოციალურად დაუცველი, მრავალშვილიანი ოჯახების დახმარებას ითვალისწინებს. ლევა­ნ დავითაშვილმა და ირაკლი აბუსერიძემ კი თავიანთი ძალისხმევით, იმ ოჯახების დახმარება გადაწყვიტეს, რომლებიც პანდემიის გამო შემოსავლის გარეშე დარჩნენ. დიდი მადლობა მინდა გადავუხადო მათ ამ ინიციატივისთვის“ - განაცხადა გიორგი ტყემალაძემ.

უწყების ინფორმაციით, ლე­ვან დავითაშვილისა და ირაკლი აბუსერიძის ინიციატივით დაწყებული კამპანია რამდენიმე ეტაპად განხორციელდა და ამ დროისთვის დახმარება ხუთასმა ოჯახმა მიიღო. როგორც ლევ­ან დავითაშვილმა განაცხადა, ის მოქალაქეები, რომლებიც ქვეყანაში შექმნილი მდგომარეობიდან გამომდინარე შემოსავლის გარეშე დარჩნენ განსაკუთრებულ ყურადღებას და თანადგომას საჭიროებენ.

„ჩვენ, საგანგებო მდგომარეობის გამოცხადებისთანავე ჩავერთეთ საქველმოქმედო აქციაში ,, დარჩი სახლში სიცოცხლისთვის”, რომელიც რამდენიმე ეტაპად განხორციელდა. აღნიშნულმა კამპანიამ, სხვადასხვა სოციალური ჯგუფები მოიცვა და ჯამში დახმარება 500- მა ოჯახმა მიიღო. იმ ადამიანების დახმარება, რომლებიც პანდემიის გამო, შემოსავლის გარეშე დარჩნენ ჩვენი პირდაპირი მოვალეობაა. მინდა, მადლობა გადავუხადო ყველა იმ მოხალისეს, ვინც გაერთიანდა პანდემიის წინააღმდეგ ბრძოლაში და თავისი წვლილი შეიტანა ამ დიდ საქმეში“, - განაცხადა ლე­ვან დავითაშვილმა.