რუსეთის პრეზიდენტის, ვლადიმერ პუტინის პრესმდივანი დიმიტრი პესკოვი საავადმყოფოდან გაწერეს. ამის შესახებ ინფორმაციას სააგენტო TACC ავრცელებს.
მათი ინფორმაციით, პესკოვი კორონავირუსისგან განიკურნა და თავს კარგად გრძნობს. როგორც ცნობილია, ის სრულ გამოჯანმრთელებამდე მუშაობას სახლიდან გააგრძელებს და სამსახურში ეტაპობრივად დაბრუნდება.
შეგახსენებთ, რომ პესკოვს კორონავირუსი 12 მაისს დაუდგინდა და მას შემდეგ საავადმყოფოში მკურნალობდა.