აშშ-ის თავდაცვის დეპარტამენტი საქართველოს დამოუკიდებლობის დღეს ულოცავს

აშშ-ის თავდაცვის დეპარტამენტი საქართველოს დამოუკიდებლობის დღეს ულოცავს.

აშშ-ის თავდაცვის მდივნის მოადგილე დეივიდ ნორქუისტი აცხადებს, რომ ამერიკელებისთვის პატივია, რომ საქართველო მისი მეგობარი და პარტნიორია.

„დღეს აღინიშნება თანამედროვე ქართული სახელწიფოს დაფუძნების დღე. ამ ისტორიული მოვლენიდან 102 წლისთავზე, საქართველომ, თავისი ხალხის სიმამაცით, შეუპოვრობითა და სიმტკიცით, თანმიმდევრულად გადალახა გამოწვევები და დაამკვიდრა თავისუფლების საფუძვლები. ჩვენი ერისთვის პატივია, რომ საქართველო მისი მეგობარი და პარტნიორია. აშშ-ს თავდაცვის დეპარტამენტის სახელით მინდა გულთბილი მილოცვა გამოვხატო ქართველი ხალხის მიმართ. გილოცავთ დამოუკიდებლობის დღეს!“ , - აცხადებს დეივიდ ნორქუისტი.

„დღეს, როდესაც ვზეიმობთ საქართველოს დამოუკიდებლობას, აშშ-ს თავდაცვის დეპარტამენტი მიესალმება თქვენს ძალისხმევას თავისუფლების, თვითმმართველობისა და დემოკრატიის გაძლიერებისთვის. ჩვენ ვიზიარებთ ამ ღირებულებებს და ვამაყობთ ერთობლივი მიღწევებით. დაე, თქვენმა ერმა და ჩვენმა პარტნიორობამ გააგრძელოს წინსვლა მომავალ წლებშიც. გილოცავთ დამოუკიდებლობის დღეს!“ , - აცხადებს ქეთრინ ვილბარგერი.

„საქართველო, გილოცავთ დამოუკიდებლობის დღეს! ჩვენთვის ძალიან სასიამოვნო იყო ბოლო რამდენიმე წლის მანძილზე საქართველოს თავდაცვის სამინისტროსთან მუშაობა. ჩემთვის დიდი პატივია, რომ მაქვს შესაძლებლობა აშშ-ს თავდაცვის დეპარტამენტის სახელით გამოვხატო თქვენდამი პატივისცემა. გთხოვთ, მიიღოთ როგორც ჩემი გულთბილი მილოცვა ამ მნიშვნელოვან დღესთან დაკავშირებით, ასევე საუკეთესო სურვილები მშვიდობიანი, თავისუფალი, წარმატებული მომავლისთვის“ , - აცხადებს ლაურა კუპერი.

„საქართველოში მყოფი აშშ-ს თავდაცვის გუნდის სახელით, მინდა ქართველ ხალხს მივულოცო საქართველოს დამოუკიდებლობის 102-ე წლისთავი. მიუხედავად იმისა, რომ წელს ვერ შეძლებთ დამოუკიდებლობის დღის წესისამებრ საზეიმოდ აღნიშვნას, ვიმედოვნებ, რომ მაინც დატკბეთ ამ მომენტით. მინდა მადლობა გადაგიხადოთ თქვენი მეგობრობის, თანამშრომლობის და უმთავრესად, მსოფლიოში მშვიდობისა და სტაბილურობისთვის შეტანილი წვლილისთვის. საქართველო, გილოცავთ დამოუკიდებლობის დღეს!“ , - აცხადებს სტეფანი ბაგლი.

ინფორმაციას საქართველოს საგარეო საქმეთა სამინისტრო ავრცელებს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს