გიგა ბოკერია 2011 წლის 26 მაისის მოვლენებზე - ასეთი რაღაც არასდროს არ უნდა მოხდეს, როგორი უპასუხისმგებლოც არ უნდა იყოს ხელისუფლების ოპონენტი

„ევროპული საქართველოს“ ერთ-ერთი ლიდერი გიგა ბოკერია აცხადებს,რომ რაც 2011 წლის 26 მაისს მოხდა, აღარასდროს უნდა განმეორდეს.

როგორც ბოკერიამ ჟურნალისტებთან საუბრისას განაცხადა, „როგორი უპასუხისმგებლოც არ უნდა იყოს ხელისუფლების ოპონენტი, ხელისუფლების პასუხისმგებლობაა, რომ ეს გაითვალისწინოს და არ დაუშვას იმ ტიპის მოვლენები, რომელსაც მაშინ ჰქონდა ადგილი“.

„მაშინ რომ ის ძალები, ვინც ეს აქცია მოაწყო, იქცეოდნენ ძალიან უპასუხისმგებლოდ და სპეციალურად მოაწყეს ის ამბავი, რომ ჩაეშალათ ზეიმი და ყველა საჯარო წინადადებაზე, ერთი დღე ეცლიათ ზეიმისთვის და მერე გაეგრძელებინათ, უარი თქვეს. იმ ძალების მიმართ მე ჩემი დამოკიდებულება არ შემიცვლია, მიუხედავად ამისა, ძალიან ცუდი იყო ის, რა ფორმითაც მაშინ გუნდმა გადადგა ის ნაბიჯები, რა ნაბიჯებიც გადადგა. ვგულისხმობ ძალის გადამეტებას და აქციის დაშლის შემდეგ იმ ქმედებებს, რაც ვიხილეთ. ასეთი რაღაც არასდროს არ უნდა მოხდეს, როგორი უპასუხისმგებლოც არ უნდა იყოს ხელისუფლების ოპონენტი, ხელისუფლების პასუხისმგებლობაა, რომ ეს გაითვალისწინოს და არ დაუშვას იმ ტიპის მოვლენები, რომელსაც მაშინ ჰქონდა ადგილი. ოღონ დღეს ჩემი კრიტიკა, საკუთარი გუნდის, არანაირად არ ამართლებს იმ ძალებს, ვინც ასე მოიქცა და იყო თავად მოწადინებული ძალადობისკენ“, - განაცხადა ბოკერიამ.

შეკითხვაზე, ამ მოვლენების შემდეგ უქმნის თუ არა მას უხერხულობას ნინო ბურჯანაძესთან ერთად ერთ მაგიდასთან ჯდომა, ბოკერიამ განაცხადა, რომ ეს არანაირ უხერხულობას არ იწვევს.

„სწორედ მაგაშია საქმე. ქვეყნის წინსვლა გულისხმობს მაგას, რომ როგორი დაპირისპირებული შეხედულებების ძალებიც არ უნდა იყვნენ, უნდა შეთანხმდნენ თამაშის წესებზე. ასეთი შეთანხმებაა ახლა სწორედ, რომ პირველი - უნდა გვქონდეს პროპორციული არჩევნები, მეორე - ის, რომ ვინც არ უნდა მოვიდეს ხელისუფლებაში და როგორი ოპონენტიც არ უნდა ჰყავდეს, არ შეიძლება, რომ მის მიმართ უსამართლო თამაშის წესები იყოს და პოლიტიკური ნიშნით ვინმე დაისაჯოს. ჩვენს საზოგადოებაში არის მოქალაქეების ნაწილი, რომელთაც აქვთ ჩემთვის მიუღებელი შეხედულებები საგარეო კურსზე, რუსეთზე, ზოგს გულწრფელი შიშის გამო და ზოგს კიდევ უფრო ჩემთვის მიუღებელი შეხედულების გამო, მაგრამ ისინი არიან ჩვენი მოქალაქეები და ვინც მათ ნებას გამოხატავს ცივილიზებულად და კანონის ფარგლებში, მათ აქვთ ადგილი დემოკრატიულ საზოგადოებაში. კარგია, რომ ივანიშვილის გუნდს თუ არ ჩავთვლით და ერთი- ორ მარგინალურ ძალას, ყველა დანარჩენი შეთანხმდა, რომ არჩევნები, ძალაუფლებისთვის ბრძოლა და ძალიან დაპირისპირებული შეხედულებები არ შეიძლება იქცეს სამოქალაქო დაპირისპირების საგნად. ეს განასხვავებს ცივილიზებულ ქვეყანას ველურისგან“, - განაცხადა ბოკერიამ.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
"პარვუს ჯგუფი" ოზურგეთის ინტერნეტიზაციის შესახებ მედიაში გავრცელებულ ცრუ ინფორმაციას ეხმაურება (R)
ბათუმში დიჯიტალ ტვ-ის ოფისი გაიხსნა