ნათია თურნავას განცხადებით, "გაზპრომთან" არსებული ხელშეკრულების გადახედვა ბუნებრივი აირის ფასის კლებას ემსახურება და ფასის შემცირება დაახლოებით 15%-ს შეადგენს
ეკონომიკისა და მდგრადი განვითარების მინისტრი, ნათია თურნავა აცხადებს, რომ "გაზპრომთან" არსებული ხელშეკრულების გადახედვა ბუნებრივი აირის ფასის კლებას ემსახურება. მინისტრის განმარტებით, ფასის შემცირება დაახლოებით 15%-ს შეადგენს.
„გაძლიერებული კონკურენციისა და იმის გათვალისწინებით, რომ მსოფლიოში ნავთობპროდუქტების ფასები ეცემა, ახლანდელი გადახედვა, რაც ხდება „გაზპრომთან“ უკვე მოქმედ კონტრაქტში, ემსახურება ფასის დაკლებას. კომერციული საიდუმლოების გამო კონკრეტულ ციფრებს არ დავასახელებ, მაგრამ გეტყვით, რომ დაახლოებით 15%-ით ხდება ფასის დაკლება ბუნებრივ აირზე. დღეს ეს ბაზარი სრულიად კონკურენტულია და კომერციულ ნაწილში ფასებს ეტაპობრივად აკლებს, როგორც „სოკარი“ , ასევე „გაზპრომიც“ ამ ტენდენციას მიჰყვება. საჭიროების შემთხვევაში ჩვენ კიდევ უფრო მეტად დავაკლებინებთ ფასებს, ეს დამოკიდებული იქნება ბაზრის კონიუნქტურაზე,“-განმარტა მინისტრმა.
