პოლიტიკური გაერთიანება "ლელო საქართველოსთვის" ლიდერებმა ანა ნაცვლიშვილმა და გიგლა მიქაუტაძემ ბრიფინგი გამართეს და შეკითხვები დაუსვეს ქვეყნის პრემიერ-მინისტრს, რომელიც საკანონმდებლო ორგანოში ანგარიშის წარსადგენად მივიდა.
ანა ნაცვლიშვილის განცხადებით, საქართველოს პრემიერი, როგორც იქნა, მიდის საქართველოს პარლამენტში ანგარიშის ჩასაბარებლად.
მათი შეფასებით, ორი თვის განმავლობაში, როდესაც უპრეცედენტო სტრესის პირობებში ცხოვრობდა ქვეყანა და ფაქტობრივად, ყველა სფერო გაჩერდა, გახარია ერთხელაც არ მისულა საქართველოს პარლამენტში.
„გახარიამ ამა წლის 9 აპრილს განაცხადა, რომ საქართველოს ივანიშვილის სახით ჰყავს უნიკალური დაზღვევა. ამით მან, ფაქტობრივად, გამოაცხადა, რომ სახელმწიფო არ არსებობს და რომ სახელმწიფოს ჩამნაცვლებელი არის ერთი ადამიანი - ბიძინა ივანიშვილი. ჩემი კითხვები პრემიერ-მინისტრის მიმართ ასეთია:
გიგლა მიქაუტაძის განცხადებით, „ლელო საქართველოსთვის“ მხარი დაუჭირა ხელისუფლებას საგანგებო მდგომარეობის გამოცხადებაში, რადგან „ლელო“ იმედოვნებდა, რომ მთავრობა საჭირო ანტიკრიზისულ გეგმას წარმოადგენდა. მიქაუტაძის განცხადებით, ფაქტობრივად, ქვეყნის მოსახლეობას მუშაობა და გადაადგილება აუკრძალეს. მისი შეფასებით, აღნიშნულის გათვალისწინებით, მთავრობას უნდა მიეცა მინიმალური დახმარება მაინც, როგორც მოსახლეობისთვის, ასევე ბიზნესისთვის.
„1 თეთრი არ მიუღია დახმარების საჭიროების მქონე მოქალაქეს სოციალური დახმარების სახით მთავრობის ანტიკრიზისული გეგმის ფარგლებში. ანტიკრიზისული გეგმით სამიზნე ჯგუფის უმრავლესობა ვერ სარგებლობს დახმარებებით თეორიულადაც კი. "ლელო საქართველოსთვის“ აქვს კითხვები შემდეგ სტატისტიკასა და კონკრეტულ ციფრებთან მიმართებაში.
აი, ამ სქემით აპირებს მთავრობა, დაეხმაროს ბიზნესს. თუმცა, უნდა ითქვას, რომ ამ სქემას 1 ბენეფიციარიც არ ჰყოლია. არცერთ კომპანიას ამ საგარანტიო სქემით არ უსარგებლია. ეს არის უსიცოცხლო სქემა, რაც ვერ იქნება ბიზნესისთვის შეღავათი“, - განაცხადა გიგლა მიქაუტაძემ.
ინფორმაციას პოლიტიკური გაერთიანება "ლელო საქართველოსთვის" პრესსამსახური ავრცელებს.