საქართველოს ეკონომიკისა და მდგრადი განვითარების მინისტრი, ნათია თურნავა იმ ქვეყნებს ასახელებს, სადაც ქართული წარმოების პირბადეები გავა ექსპორტზე.
„ინტერპრესნიუსის“ კითხვის საპასუხოდ, მინისტრმა აღნიშნა, რომ ქართული წარმოების პირბადეზე მოთხოვნა აშშ-ში, უკრაინაში და ევროპის სხვადასხვა ქვეყანაშია.
„ჩვენ მოვახერხეთ და უკვე 20-მდე სხვადასხვა კომპანია აწარმოებს პირბადეებს. იმდენად გაჯერდა უკვე საქართველოს ბაზარი, რომ ჩვენ ამ დღეებში დავრთეთ ნება, რომ გაიტანონ ექსპორტზე. ამერიკის შეერთებულ შტატებში არის მოთხოვნა, ევროპულ ქვეყნებში, უკრაინაში. ეს იმას ნიშნავს, რომ 2 თვეში იმპორტიორიდან ექსპორტიორად ვიქეცით“, - განაცხადა თურნავამ.