ჯანმოს საგანგებო მდგომარეობის ოფიცერი - ჯერ არ არსებობს დამტკიცებული მედიკამენტი კორონავირუსის სამკურნალოდ, ვაფრთხილებთ ქვეყნებს, დაუმტკიცებელი მედიკამენტი არ გამოიყენონ

როგორც იცით, ჯერ არ არსებობს რაიმე დამტკიცებული მედიკამენტი კორონავირუსის სამკურნალოდ და ჯანდაცვის მსოფლიო ორგანიზაცია აფრთხილებს წევრ ქვეყნებსა და ყველა სამედიცინო დაწესებულებას, რომ დაუმტკიცებელი მედიკამენტი არ გამოიყენონ, - ამის შესახებ მსოფლიო ჯანდაცვის ორგანიზაციის საგანგებო მდგომარეობის უფროსმა ოფიცრმა, კატერინ სმოლვუდიმ ჰიდროქსიქლოროქინის (პლაქვენილის) კლინიკური კვლევებიდან დროებით ამოღებასთან დაკავშირებით დასმული კითხვის საპასუხოდ განაცხადა.

მისივე თქმით, ჯანდაცვის მსოფლიო ორგანიზაციამ აღნიშნული გადაწყვეტილება სიფრთხილისთვის მიიღო და ის ძალაში დარჩება იქამდე ვიდრე არ გადამოწმდება დეტალური ინფორმაცია და მონაცემები უსაფრთხოების კონტექსტში იმ პაციენტების შემთხვევაში, ვინც ამ მედიკამენტს კორონავირუსის სამკურნალოდ იყენებდა.

„ჰიდროქსიქლოროქინი არის ერთი-ერთი მედიკამენტი, რომელიც ბევრმა თქვენგანმა იცის, რომ არის ლიცენზირებული სხვა მიზნებისთვის, თუმცა რჩება დაუმტკიცებელ მედიკამენტად „კოვიდ 19“-ის ვირუსის მქონე პაციენტების მკურნალობისთვის. ეს არის ერთ-ერი მედიკამენტი, რომელიც ჯანდაცვის მსოფლიო ორგანიზაციის მიერ წარმოებულ „სოლიდარობის კვლევაშია“ ჩართული. იქიდან გამომდინარე, რომ უკანასკნელ პერიოდში გამოქვეყნებულ ანგარიშში კორონავირუსის მქონე პაციენტებში ამ მედიკამენტის გამოყენებასთან დაკავშირებით უსაფრთხოების საკითხი კითხვის ნიშნის ქვეშ დგება, ჯანდაცვის მსოფლიო ორგანიზაციამ სიფრთხილე გამოიჩინა და დროებით შეაჩერა ჰიდროქსიქლოროქინის გამოყენება კლინიკური კვლევის ნაწილად. ჩვენ ამას დროებით ვაკეთებთ იქამდე, ვიდრე დეტალურად არ გამოვიკვლევთ უსაფრთხოების ინფორმაციას და უსაფრთხოების მონაცემებს იმ პაციენტების შემთხვევაში, რომლებიც ამ მედიკამენტს „კოვიდ 19“-ის მკურნალობისთვის იყენებენ. ზოგადად, როგორც იცით, ჯერ არ არსებობს რაიმე დამტკიცებული მედიკამენტი კორონავირუსის სამკურნალოდ და ჯანდაცვის მსოფლიო ორგანიზაცია აფრთხილებს წევრ ქვეყნებსა და ყველა სამედიცინო დაწესებულებას, რომ დაუმტკიცებელი მედიკამენტი არ გამოიყენონ იმ გამონაკლისი შემთხვევების გარდა, როდესაც საკითხი კლინიკურ კვლევებს ეხება, როგორიც მაგალითად „სოლიდარობის კვლევაა“,-განაცხადა კატერინ სმოლვუდიმ.

მისი თქმით, გასათვალისწინებელია, რომ ჰიდროქსიქლოროქინი სხვა დაავადებების მკურნალობისთვისას გამოიყენება და არ არსებობს გარემოება, რის გამოც სხვა დაავადებების მქონე პაციენტებმა ამ მედიკამენტის მიღება უნდა შეწყვიტონ, რადგან უსაფრთხოებასთან დაკავშირებული კითხვის ნიშნები მხოლოდ კორონავირუსის მკურნალობასთან დაკავშირებით წარმოიშვა.

იხილეთ ვიდეო: ჯანმო ქვეყნებს აფრთხილებს, კორონავირუსის სამკურნალოდ დაუმტკიცებელი მედიკამენტი არ გამოიყენონ

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია