რომან გოცირიძე - ვერ მივიღეთ პასუხი, საერთაშორისო რეიტინგების მიხედვით, რატომ არის საქართველო ყველაზე მშიერი ქვეყანა

ვერ მივიღეთ პასუხი, საერთაშორისო რეიტინგების მიხედვით, რატომ არის საქართველო ყველაზე მშიერი ქვეყანა, - ამის შესახებ ფრაქცია „ნაციონალური მოძრაობის" თავმჯდომარე რომან გოცირიძემ ჟურნალისტებს განუცხადა, რითაც კორონავირუსის მართვასთან დაკავშირებით გიორგი გახარიას მიერ პარლამენტში წარდგენილ ანგარიშს გამოეხმაურა.

გოცირიძის თქმით, ოპოზიციის მიერ პრემიერ-მინისტრის ინტერპელაციის წესით პარლამენტში დაბარება იმიტომ გახდა საჭირო, რომ მან ანგარიშის წარდგენისას მთელი რიგი საკითხები უპასუხოდ დატოვა.

„პრემიერ-მინისტრმა ვერ გვიპასუხა, რეგიონში ყველაზე მეტად რატომ დაზიანდა საქართველოს ეკონომიკა? რატომ არის, რომ საქართველო ერთადერთი ქვეყანა მსოფლიოში, რომელმაც საკუთარ მოქალაქეებს არ გაუწია არცერთი თეთრის ოდენობის პირდაპირი ფულადი დახმარება? რატომ არ არის დღემდე დაწყებული ანტიკრიზისული პროგრამის არცერთი ნაწილი? რატომ ხდება, რომ მთავრობა ყოველ პრეზენტაციას ამთავრებს სიცრუით? გუშინ ერთ-ერთი სიცრუე მოვისმინეთ, რომ თურმე საქართველოში დიდი მასშტაბით მშენებლობებს აპირებს. სინამდვილეში, ეს იყო საკუთარი სამშენებლო კომპანიებისთვის ჩვენი ჯიბიდან კორუფციული სქემით ფულის გადაცემის მექანიზმი. ვერ მივიღეთ პასუხი, საერთაშორისო რეიტინგების მიხედვით, რატომ არის საქართველო ყველაზე მშიერი ქვეყანა. ყველა კითხვაზე პასუხი არის ძალიან მარტივი - ამ 8 წლის განმავლობაში საქართველოს მთავრობამ დაანგრია და ჩამოშალა ეკონომიკა. აწარმოებდა არასწორ საბიუჯეტო მონეტარულ პოლიტიკას, ერთ არაფორმალურ მმართველზე იყო ჩამოკიდებული მთელი გუნდი, რომელმაც ქვეყნის ეკონომიკა მიიყვანა იმ საშინელ მდგომარეობამდე, რასაც ჩვენ ახლა ვხედავთ. ამიტომ ინტერპელაციის მთავარი კითხვა იქნება, რატომ იზრდება საქართველოში სიღარიბე და რატომ ხდება, რომ ქვეყანაში განსაკუთრებით მოიმატა პენსიონერთა და ბავშვთა სიღარიბემ?

ოქტომბრამდე მიაღწევს თუ არა ქვეყანა, ესეც კი საკითხავია. ოქტომბერში უკვე არ იქნება ეს ხელისუფლება და საბედნიეროდ არ მოგვიწვს ამ კითხვების დასმა ამ მთავრობისთვის. ოქტომბერში უკვე სხვა, კოალიციური მთავრობა იქნება და როგორც აქამდეც ამოგვიყვანია ქვეყანა ეკონომიკური ჭაობიდან და წაგვიყვანია წინ, ამას გავიმეორებთ უფრო უკეთესად,"- განაცხადა გოცირიძემ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო