დღეიდან საზოგადოებრივი ტრანსპორტის მოძრაობა აღდგა. 06:00 საათიდან მეტრომ, ავტობუსებმა და მიკროავტობუსებმა მუშაობა შეცვლილი წესებით განაახლეს. კერძოდ, ახალი პროტოკოლის მიხედვით, მგზავრებს საზოგადოებრივი ტრანსპორტით გადაადგილება მხოლოდ პირბადის გამოყენებით შეუძლიათ.
გარდა ამისა, მოქალაქეებს შორის აუცილებელია დისტანციის დაცვა. იკრძალება მგზავრთა ფეხზე დგომა. ავტობუსებსა და ე.წ. ყვითელ მიკროავტობუსებში დაუშვებელია კონდენციონერის ჩართვა. უშუალოდ მეტროსადგურების შესასვლელებთან დგანან პოლიციის თანამშრომლები, რომლებიც მგზავრთა ნაკადს არეგულირებენ. მოქალაქეთა განთავსება კონტროლდება გაჩერებებზეც. ამ დროისთვის საზოგადოებრივ ტრანსპორტში მგზავრთა ჭარბი რაოდენობა არ შეინიშნება.
„ინტერპრესნიუსის“ ფოტოკორესპონდენტები სხვადასხვა საზოგადოებრივი ტრანსპორტის მუშაობას თვალს დილიდან ადევნებდნენ. გთავაზობთ მათ მიერ მომზადებულ ფოტორეპორტაჟს.