სამხრეთ კორეაში სკოლების ნაწილი ისევ დაიხურა. BBC-ის ინფორმაციით, პუჩონის რაიონში 26 მაისს გახსნილ 200-ზე მეტ სკოლაში სასწავლო პროცესი კვლავ შეწყდა. სკოლების დახურვის გადაწყვეტილება კორეის ხელისუფლებამ მას შემდეგ მიიღო, რაც 28 მაისს ქვეყანაში კორონავირუსით 79 ადამიანი დაინფიცირდა.

აღსანიშნავია, რომ ბოლო 2 თვის განმავლობაში ეს ქვეყანაში კორონავირუსით დაინფიცირების ყველაზე მეტი შემთხვევაა.

ბოლო მონაცემებით, სამხრეთ კორეაში კორონავირუსის 11 400-ზე მეტი შემთხვევა გამოვლინდა, ვირუსს 269 ადამიანი ემსხვერპლა.