აშშ-ში ბოლო 24 საათის განმავლობაში კორონავირუსის 19 788 -მდე შემთხვევა გამოვლინდა, - ამის შესახებ ინფორმაციას CNN-ი „ჯონს ჰოპკინსის უნივერსიტეტზე“ დაყდრნობით ავრცელებს.

ტელეკომპანიის ცნობით, დაინფიცირებულთა საერთო რაოდენობა ქვეყანაში 1 790 191-მდე გაიზარდა.

გარდა ამისა, აშშ-ში ბოლო დღე-ღამის განმავლობაში „კოვიდ 19“-ით 600 ადამიანი გარდაიცვალა და დაღუპულთა რიცხვმა 104 000-ს გადააჭარბა.

ცნობისათვის, დაინფიცირებულთა რაოდენობის მიხედვით აშშ მსოფლიოში პირველ ადგილს იკავებს. რაც შეეხება გლობალურ მონაცემებს, მსოფლიოში კორონავირუსით დაინფიცირებულთა რაოდენობა 6,1 მილიონს, დაღუპულთა კი - 372 000-ს აჭარბებს.