ფინანსთა მინისტრმა ივანე მაჭავარიანმა და ფინანსთა მინისტრის მოადგილემ ნიკოლოზ გაგუამ მსოფლიო ბანკის აღმასრულებელ დირექტორთან კოენ დევიდსთან ონლაინ შეხვედრა გამართეს. ამის შესახებ „ინტერპრესნიუსს“ ფინანსთა სამინისტროდან აცნობეს.

მათი ინფორმაციით, მხარეებმა მიმოიხილეს ქვეყანაში მსოფლიო ბანკის მხარდაჭერით მიმდინარე პროექტები, იმსჯელეს საქართველოს მთავრობის ეკონომიკურ რეფორმებზე, რომელსაც მსოფლიო ბანკი აქტიურად უჭერს მხარს.

ფინანსთა სამინისტროს ცნობით, კიდევ ერთხელ, ხაზი გაესვა COVID-19-ის პანდემიაზე რეაგირებისთვის მსოფლიო ბანკის მხრიდან უკვე გამოყოფილი და სამომავლოდ დაგეგმილი ფინანსური რესურსების მნიშვნელობას.