ადა მარშანია სოფო კილაძეს - გთხოვთ, ოპოზიციაში ჩვენ ნუ "ჩაგვახაჭაპურებთ" „ნაციონალურ მოძრაობასთან“

მადლობა თქვენ, სოფო კილაძეს, რომ დეფინიციას სწორად აკეთებთ და აკონკრეტებთ ოპოზიცია ვინ არის ამ ქვეყანაში. გთხოვთ, ოპოზიციაში ჩვენ ნუ "ჩაგვახაჭაპურებთ" „ნაციონალურ მოძრაობასთან,- ასე მიმართა „პატრიოტთა ალიანსის" დეპუტატმა ადა მარშანიამ ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის სხდომაზე კომიტეტის თავმჯდომარეს სოფო კილაძეს.

როგორც ადა მარშანიამ აღნიშნა, ქვეყნის გამთლიანების საკითხზე ხელები ჩამოშვებული აქვს მმართველ პარტიას.

„მე არ მესმის როგორ ვცხოვრობთ ჩვენ როგორც ერი და როგორც სახელმწიფო. ასეთი უმძიმესი ამოცანა და მიზანი გვაქვს შესასრულებელი. მესმის, რომ ზოგჯერ ადამიანი იბნევა და დათრგუნულია, რადგან მძიმეა ეს საკითხი - ჩვენი ქვეყნის გამთლიანების და ამიტომ, მგონია, რომ ხელები გვაქვს ყველას ჩამოშვებული. არ შეიძლება, ეს არასწორია," - აღნიშნა ადა მარშანიამ.

ადა მარშანიას სოფო კილაძემ კომიტეტის სხდომაზევე უპასუხა და აღნიშნა, რომ ქვეყნის გამთლიანება არის მმართველი პარტიის მიზანი.

„არავის ხელები არ ჩამოუშვია ქვეყნის გამთლიანებაზე. ჩვენი მიზანი არის ჩვენი ქვეყანა იყოს მთლიანი კვლავ. თქვენ თქვენი შეფასება გაქვთ, მესმის, ოპიზიციის წარმომადგენელი ბრძანდებით და რა თქმა უნდა, უნდა მოუწოდოთ ხელისუფლებას კონკრეტული მიმართულებით, მაგრამ იმაში ვერ დაგეთანხმებით, რომ არაფერს ვაკეთებთ ქვეყნის გამთლიანებისთვის,"- განაცხადა კილაძემ.

გიორგი კანაშვილი - თუ ოპოზიციამ ვერ მოახერხა დამატებითი ამომრჩევლის გამოყვანა, ხოლო „ოცნებამ“ სულ მცირე იგივე რაოდენობა გამოიყვანა, რაც პირველ ტურში, შედეგი ოპოზიციისთვის  მძიმე იქნება
ქართული პრესის მიმოხილვა 28.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გაიაქტიურეთ "სილქფესტის" საშემოდგომო შეთავაზებები შეუზღუდავად
მიიღე განსაკუთრებული შეთავაზებები მხოლოდ ოფიციალური Samsung-ის შეძენისას
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა