წყალმომარაგების კომპანიის დირექტორი - გამრიცხველიანება აუცილებელი პირობაა, რომ ლაგოდეხის მოსახლეობამ 24-საათიანი წყლის მიწოდებით ისარგებლოს

გაერთიანებული წყალმომარაგების კომპანიის დირექტორის, გიგა მანდარიას განცხადებით, ლაგოდეხის მოსახლეობასთან შეხვედრისას შეთანხმდნენ, რომ ტარიფების გადახედვასთან დაკავშირებით ათი დღის ვადაში მოხდება შესაბამის უწყებებთან კონსულტაციები და შესაბამისი გადაწყვეტილებას მიიღებენ. ამის შესახებ ინფორმაციას „გაერთიანებული წყალმომარაგების კომპანია ავრცელებს.

გიგა მანდარიას განცხადებით, გამრიცხველიანება არის აუცილებელი პირობა, რომ ლაგოდეხის მოსახლეობამ 24- საათიანი წყლის მიწოდებით ისარგებლოს.

„მოსახლეობა დათანხმდა გამრიცხველიანებას იმისათვის, რომ მათ 24-საათიანი ხარისხიანი წყალმომარაგებით ისარგებლონ. უნდა ითქვას, რომ გამრიცხველიანება ეს არის აუცილებელი პირობა, რომ მოხდეს სასმელი წყლის რაციონალურად გამოყენება და ლაგოდეხის უწყვეტი წყალმომარაგება. მრიცხველების არარსებობის შემთხვევაში, მოსახლეობა სასმელ წყალს იყენებს სამეურნეო მიზნებისთვის, რაც მთელ ქალაქს უქმნის პრობლემას და 24-საათიანი წყალმომარაგებით უზრუნველყოფას ვეღარ ვახერხებთ”, - აცხადებს გიგა მანდარია.

მისივე თქმით, ლაგოდეხში დღეს არსებული ტარიფი 2010 წელს არის დადგენილი. „ჩვენ გვაქვს ერთი ტარიფი, რომელიც ვრცელდება როგორც ლაგოდეხში, ასევე მთელ საქართველოში, სადაც ჩვენი კომპანია ოპერირებს. შესაბამისად, ტარიფი სტანდარტულია. სატარიფო პოლიტიკას ადგენს წყალმომარაგებისა და ენერგეტიკის მარეგულირებელი ეროვნული კომისია და თუ რა შეიძლება გაკეთდეს, იმისათვის რომ შუალედური გადაწყვეტილება მივიღოთ, ამაზე შესაბამის უწყებებთან კონსულტაციების საფუძველზე გადავწყვეტთ”, - განაცხადა გიგა მანდარიამ.

მისივე თქმით, ლაგოდეხში პროექტის დასრულებისა და ახალი სისტემების ექსპლუატაციაში გაშვების შედეგად, წყლის ხარისხი სტანდარტებს სრულად აკმაყოფილებს.

„დღეის მდგომარეობით, წყლის ხარისხთან დაკავშირებით არანაირი პრობლემა არ არსებობს. 2020 წლის განმავლობაში ცხელ ხაზზე არ დაფიქსირებულა არც ერთი საჩივარი, რომ წყლის ხარისხზე პრობლემა შეექმნა მომხმარებელს. ჩვენი წარმომადგენლები, შესაბამისი მობილური ლაბორატორიები მუდმივად ადგილზე იმყოფებიან, არანაირი ფაქტი არ არსებობს, იმასთან დაკავშირებით, რომ წყლის ხარისხი არ შეესაბამება სტანდარტებს. ჩვენ, ახლაც და ნებისმიერ დროს მზად ვართ, წავიდეთ და ყველა დაინტერესებულ პირთან ერთად შევამოწმოთ არსებულ ქსელში გამოყენებული მილების ხარისხი”, - განაცხადა გიგა მანდარიამ მოსახლეობასთან შეხვედრისას.

გუშინ, გაერთიანებული წყალმომარაგების კომპანიის დირექტორი გიგა მანდარია, მოადგილესთან ირაკლი ნაფეტვარიძესთან ერთად ლაგოდეხში ჩავიდა. კომპანიის ხელმძღვანელი ადგილობრივი ხელისფულების წარმომადგენლებთან ერთად მოსახლეობას შეხვდა და მათი პრობლემები მოისმინა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს