ბელგია 15 ივნისიდან ევროპის ქვეყნებთან საზღვარს ხსნის

ბელგიაში 8 ივნისიდან თითქმის ყველა ბიზნესს ამუშავების უფლება ექნება, მათ შორის რესტორნებს, კაფეებსა და ბარებს. სპორტდარბაზებიც ორშაბათიდან გაიხსნება, თუმცა გამოსაცვლელი განყოფილებების გარეშე იფუნქციონირებს. ამის შესახებ ქვეყნის პრემიერ-მინისტრმა სოფი ვილმესმა განაცხადა.

ქვეყანაში სოციალური დისტანციის დაცვის ნორმა კვლავ ძალაში რჩება. პრემიერის განცხადებით, ბელგია ევროპის ქვეყნებს შორის კორონავირუსის პანდემიით ერთ-ერთი ყველაზე მეტად დაზარალებულია, თუმცა დაინფიცირების შემთხვევები მნიშვნელოვნად იკლებს.

ამასთან, ცნობილი გახდა, რომ ევროპის ყველა ქვეყანასთან ბელგია საზღვარს 15 ივნისიდან გახსნის.

„ვირუსი ჯერ კიდევ ჩვენს შორის არის. მას ჯერ კიდევ ჰყავს მსხვერპლი და სავარაუდოდ კიდევ ეყოლება, თუკი ფხიზლად არ ვიქნებით“, - განაცხადა სოფი ველმესმა ქვეყნის ეროვნული უსაფრთხოების საბჭოსთან შეხვედრის შემდეგ გამართულ პრესკონფერენციაზე.

მისივე თქმით, ხალხმრავალი შეკრებები 31 აგვისტომდე იქნება აკრძალული. ამ თარიღამდე გახსნის უფლება არც ღამის კლუბებს ექნებათ. 1-ელ ივლისამდე კულტურული აქტივობები მაყურებლების გარეშე ჩატარდება. პირველი ივლისიდან კი კინოდარბაზებსა და სხვა კულტურულ სივრცეებში მაქსიმუმ 200 ადამიანის ყოფნა იქნება დასაშვები. ვილმესი მოქალაქეებს ურჩევს მეგობრებს ჩახუტებისა და გადაკოცვნის გარეშე შეეგებონ.

ბელგიაში კორონავირუსის გამო საკარანტინე შეზღუდვები 18 მარტიდან შევიდა ძალაში. ქვეყანაში კორონავირუსი ჯამში 58 000-ზე მეტ ადამიანს გამოუვლინდა. დაავადებას 9 500 პაციენტი ემსხვერპლა.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით