ჯანდაცვის მსოფლიო ორგანიზაციის ექსპერტებმა გადაწყვეტილება მიიღეს, რომ კოვიდ-19-ის საწინააღმდეგო პრეპარატების ტესტებში „ჰიდროქსიქლოროქლინი“ კვლავ დააბრუნონ. ამის შესახებ დღევანდელ ბრიფინგზე ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა.

"სიკვდილიანობის შესახებ ხელმისაწვდომ მონაცემებზე დაყრდნობით, კომიტეტის წევრები გამოვიდნენ რეკომენდაციით, რომ ტესტების პროტოკოლის შეცვლის მიზეზი არ არსებობს. აღმასრულებელმა ჯგუფმა მიიღო რეკომენდაციის მონაცემები და დაამტკიცა სოლიდარობის ტესტებში ყველა სახის მედიკამენტის გამოყენება, მათ შორის ჰიდროქსიქლოროქინის“, - განაცხადა ჯანდაცვის მსოფლიო ორგანიზაციის დირექტორმა.

ორგანიზაციაში ასევე აცხადებენ, რომ ამ პრეპარატის დაბრუნება "სოლიდარობის კვლევაში" არავითარ შემთხვევაში არ მიუთითებს მისი ეფექტურობის შესახებ.

ცნობისთვის, რამდენიმე დღის წინ ჯანდაცვის მსოფლიო ორგანიზაციამ აღნიშნული პრეპარატის გამოყენების დროებით შეჩერების შესახებ მიიღო გადაწყვეტილება.